لیکانیماب نوێترین چارەسەری نەخۆشی زەهایمەرە
وێستگە ستایل-
وابڕیارە لە سەرەتای مانگی ئەیلولدا نوێترین چارەسەری نەخۆشی زەهایمەر بە ناوی لیکانیماب بە شێوەیەکی فەرمی بخرێتە بازاڕەکانی ئەڵمانیاوە.
ئەم دەرمانە نوێیە بەرهەمی هەریەکە لە کۆمپانیاکانی بایۆجینی ئەمریکی و ئیسای یابانییە و وڵاتەکانی ئەڵمانیا و نەمسا دەبنە یەکەمین وڵاتەکانی یەکێتی ئەوروپا کە دان بەم بەرهەمەدا دەنێن و ساغێ دەکەنەوە.
دەرمانی Lecanemab نوێترین چارەسەری نەخۆشی زەهایمەرە و لە پاش مشتومڕ و دوودڵیەکی زانستی زۆر دواجار پەسەندکرا و ئەم دەرمانە دەتوانێت ببێتە فریادڕەس بۆ ژیانی یەک ملیۆن خەڵکی تووشبوو بە زەهایمەر لە وڵاتی ئەڵمانیا، ئەم چارەسەرە نوێیە پێویستە هەموو دوو هەفتە جارێک لە ڕێگەی دەرزییەوە بەکاربهێندرێت.
بە گوێرەی وتەکانی جۆهانس لێڤین لە سەنتەری نەخۆشییەکانی مێشک و دەمار لە ئەڵمانیا، 3 ساڵی یەکەمی نەخۆشی زەهایمەر بە قۆناغە سەرەتاکانی نەخۆشییەکە دادەنرێت، پزیشکان بەو هیوایەن ئەم چارەسەرە نوێیە ببێتە هیوایەک بۆ دووبارە چاکبوونەوەی نەخۆشانی زەهایمەر، بەو پێیەی هەتاوەکو ئێستا هیچ جۆرە چارەسەرێکی هاوشێوە نەدۆزراوەتەوە.
PM:04:39:30/08/2025
ئه‌م بابه‌ته 432
جار خوێنراوه‌ته‌وه