ئەم 8 خۆراکە پێست و قژ و نینۆک بەهێزدەکات
وێستگە ستایل-
توێژینەوەکان ئاشکرایانکردووە سیستەمی خۆراکی تەندروست کاریگەری لەسەر تەندروستی پێست و بەهێزبوونی قژ و نینۆک هەیە و خواردنی ئەو خۆراکانەی کە دەوڵەمەندن بە چەوری، ڤیتامین و کانزاکان زۆر گرنگن.
- ئەم 8 خۆراکە پێست و قژ و ونینۆک بەهێزدەکات:
1- ماسییەکانی سەلەمۆن، ساردین و ماکریل دەوڵەمەندن بە ئۆمیگا 3 وپرۆتینەکان کە پێکهاتەیەکی سەرەکین بۆ پاراستنی پێست و بەهێزکردنی قژ.
2- پەتاتەی شیرین پڕە لە بێتاکارۆتین کە جەستە دەیگۆڕێت بۆ ڤیتامین A کە ڕۆڵێکی گرنگی هەیە لە نوێبوونەوەی پێست و تاڵەکانی قژ.
3- گوێز و چەرەساتەکانی وەک بادەم، دەنکە کولەکە، گوڵەبەڕۆژە ڤیتامین A ، پرۆتین و چەوری تەندروستیان تێدایە کە گرنگن بۆ پێست و قژ و نینۆک.
4- ئەڤۆکادۆ بڕێکی زۆر باش لە چەورییە سوودبەخشەکان، ڤیتامینەکانی A و C تێدایە بۆ گەشەکردنی قژو پاراستنی پێست بەسوودن.
5- هێلکە یەکێکە لە سەرچاوە هەرە دەوڵەمەندەکان بە پرۆتین کە هەموو جۆرە ترشە ئەمینییەکانی تێدایە بۆ بەرهەمهێنانی کیراتین کە پرۆتینی سەرەکی پێکهاتەی قژ و پێست ونینۆکە.
6- گەڵا سەوزەکانی وەک سپێناخ و قەرنابیت بڕێکی زۆر باش لە ئاسن و ڤیتامینەکانی A و C یان تێدایە کە بەرپرسن لە تەندروستی قژ و پێست.
7- گوێچکەماسی دەوڵەمەندە بە زینک کە ڕۆڵێکی کارای هەیە لە ڕێکخستنی هۆرمۆنەکان و پڕکردنی قژ.
8- میوە و سەوزەکان بڕێکی زۆر لە ئاویان تێدایە کە هۆکارێکی سەرەکییە بۆ هێشتنەوەی پێست بە شێداری.
PM:03:41:30/08/2025
ئه‌م بابه‌ته 524
جار خوێنراوه‌ته‌وه