هەورە بروسکەیەک خێراییەکی پێوانەیی تۆماردەکات
وێستگە ستایل-
هەورە بروسکەیەک خێراییەکی پێوانەیی نوێی تۆمارکرد بە بڕینی 829 کیلۆمەتر بە درێژای 5 ویلایەتی ئەمریکا لە ماوەی کەمتر لە 7 چرکەدا.
تۆمارکردنی دیاردەیەکی سروشتی هەورەبروسکەی لەمجۆرە لە لایەن ڕێکخراوی جیهانی WMO بە فەرمی ڕاگەیەندرا و زیادکرا بۆ تۆمارەکانی ڕووداوە سروشتییەکان و دەرەنجامی ئەم تۆمارە نوێیە لە بەرواری 31 ی تەمموزی مانگی ڕابردوو لە لایەن پێگەی Bulletin of the American Meteorological Society بڵاوکرایەوە.
تیمی توێژەران توانیان زۆر بە وردی و سەڕسوڕهێنەرانە بە یارمەتی داتاکانی دەزگای نەتەوەیی بۆ ئۆقیانووس و بەرگە هەوا (NOAA) و مانگی دەستکردی GOES-16 شیکردنەوە و هەڵسەنگاندن بۆ ملیۆنەها تیشکی بەردەوامی ئەم هەورەبروسکەیە بکەن و بتوانن بە تەواوی ڕێڕەوەکەی دیاریبکەن بە درێژایی 829 کیلۆمەتر.
PM:12:56:02/08/2025
ئه‌م بابه‌ته 684
جار خوێنراوه‌ته‌وه