توێژه‌ره‌وه‌كان جه‌خت له‌سه‌ر ئه‌وه‌ ده‌كه‌نه‌وه‌ ڤیتامین C له‌ڕێی چالاككردنه‌وه‌ی‌ ئه‌و كرۆمۆسۆمانه‌ی‌ به‌رپرسن له‌ زیادبوونی خانه‌كانی پێست به‌تایبه‌ت خانه‌ كیراتینه‌كان پێست جوان ده‌كات ئه‌وه‌ش واده‌كات ئه‌م ڤیتامینه‌ چاره‌سه‌ربێت بۆ ئه‌و كێشانه‌ی پێست به‌تایبه‌ت له‌كه‌سانی به‌ته‌مه‌ن.

سه‌رۆكی ئه‌م توێژینه‌وه‌یه‌ دكتۆر"ئه‌كیهیتۆ ئه‌یشیگامی" جێگری سه‌رۆكی زانستی زینده‌یی و پزیشكی له‌ په‌یمانگای تۆكیۆ تایبه‌ت به‌ زانستی پیربوون ده‌ڵێت" تێبینی ئه‌وه‌مان كردوه‌ ئه‌م ڤیتامینه‌ هانی گه‌شه‌ی‌ خانه‌كانی پێست ده‌دات له‌ڕێی چاككردنی كرۆمۆسۆم به‌تایبه‌ت خاوكردنه‌وه‌ی‌ ئه‌و كرۆمۆسۆمانه‌ی‌ به‌رپرسن له‌ دابه‌شبوونی خانه‌كان، به‌ڵام له‌ڕێی به‌كارهێنانی ڤیتامین C تێبینی گۆڕانكاری گه‌وره‌مان كردوه‌ له‌ ئه‌ستووری چینی ناوه‌وه‌ی‌ پێست له‌گه‌ڵ ئه‌وه‌شدا ئاماژه‌ی‌ زیادبوونی خانه‌كانمان كردوه‌ به‌بێ ئه‌وه‌ی‌ كاریگه‌ری هه‌بێت له‌سه‌ر چینی ده‌ره‌وه‌ی‌ پێست"

تاقیكردنه‌وه‌كان ئه‌وه‌یان سه‌لماندوه‌ ڤیتامین C یارمه‌تی ده‌ردانی ئه‌نزیمی TET  ده‌دات ئه‌ویش هاوكاره‌ بۆ گه‌شبوون و جوانبوونی پێست، پێشبینی ده‌كرێت ئه‌مه‌ یه‌كێك بێت له‌و توێژینه‌وانه‌ی‌ گرنگه‌ بۆ تێگه‌یشتن له‌ كاریگه‌ری ئه‌م ڤیتامینه‌، له‌ئێستادا وه‌ك یه‌كێك له‌ هانده‌ره‌كانی گه‌شه‌ی‌ خانه‌كانی پێست ده‌دات له‌سه‌ر ئاستی كرۆمۆسۆم.