ورده‌كاری ئه‌م هه‌واڵه‌ ئاژانسیIHA توركی بڵاویكردۆته‌وه‌ و تیایدا ئاماژه‌ بۆ ئه‌وه‌ كراوه‌ خانمێكی گۆرانیبێژی به‌رازیلی به‌ناوی"ئانا باربیرا بۆربلدرینی" چۆته‌ نه‌خۆشخانه‌ی‌ توسا ی تایبه‌ت له‌ ئه‌سته‌نبوڵ بۆ ئه‌وه‌ی‌ نه‌شته‌رگه‌ری جوانكاری بۆ بكرێت، به‌ڵام به‌هۆی كاریگه‌ری لاوه‌كی نه‌شته‌رگه‌ریه‌كه‌ گیانی له‌ده‌ستداوه‌.

ئه‌م خانمه‌ گۆرانیبێژه‌ ته‌مه‌نی 30 ساڵه‌، مانگی 5 ی ئه‌مساڵ له‌گه‌ڵ گۆرانیبێژێكی ئه‌فه‌ریقی هاوسه‌رگیری كردوه‌ ، سه‌باره‌ت به‌ گیان له‌ده‌ستدانی ئانا هاوسه‌ره‌كه‌ی‌ نه‌خۆشخانه‌كه‌ی‌ تۆمه‌تبار كردوه‌ به‌وه‌ی‌ نه‌شته‌رگه‌ریه‌كه‌ پێش كاتی خۆی بۆیان ئه‌نجامداوه‌ و ئاماده‌كاری پێویست نه‌كراوه‌، هاوسه‌ره‌كه‌ی‌ پێش ئه‌وه‌ی‌ نه‌شته‌رگه‌ری بۆ بكرێت نانی خواردوه‌ له‌كاتێكدا ده‌بێت نه‌شته‌رگه‌ری له‌سه‌ر گه‌ده‌ی‌ خاڵی بكرێت.

هاوسه‌ر و خێزانه‌كه‌ی‌ ئانا چاوه‌ڕوانی ڕاپۆرتی پزیشكی داد ی توركیا ده‌كه‌ن بۆ ئه‌وه‌ی‌ ئه‌نجامی كۆتایی و هۆكار گیان له‌ده‌ستدانی كچه‌كه‌یان ئاشكرا بكات.