ئه‌م تیمه‌ له‌ په‌یمانگای ووزه‌ی‌ سه‌ره‌كی له‌ كۆریای باشوور، سیستمێكی نوێیان داهێناوه‌ پشت ده‌به‌ستێت به‌ هاندانی ڕووناكی بۆ تێكشكاندنی پلاستیك و به‌رهه‌مهێنانی هایدرۆجین، ئه‌م هه‌نگاوه‌ یاسای دوباره‌ به‌كارهێنانه‌وه‌ی‌ پلاستیك و ووزه‌ی‌ هه‌میشه‌ی‌ ده‌گۆڕێت، ئه‌م ته‌كنیكه‌ ته‌نها بۆ ڕزگاربوون له‌ پاشماوه‌ی‌ پلاستیك نییه‌ به‌ڵكو سه‌رچاوه‌یه‌كی زۆر باشه‌ بۆ به‌رهه‌مهێنانی ووزه‌ی‌ نوێ و هاوڕێی ژینگه‌یه‌.

ئه‌م بابه‌ته‌ پێگه‌ی‌ sustainability-times بڵاویكردۆته‌وه‌، تیایدا ئاماژه‌ی‌ بۆ ئه‌وه‌ كردوه‌ ئه‌م سیستمه‌ پشت به‌هاندانی ڕووناكی ده‌بینێت بۆ به‌رهه‌مهێنانی هایدرۆجین، باشترین ڕێگایه‌ بۆ به‌رده‌وامبوون و مانه‌وه‌ی‌ هاندانی كیمیاویی له‌دۆخی ناله‌باری ڕووناكی و مادده‌ی‌ كیمیاویدا.

له‌م ڕێگه‌ نوێیه‌دا پارچه‌ی‌ پلاستیك ورد ده‌كرێت و ده‌گۆڕێت بۆ"ئه‌سیلین گلایگۆل" و"ترشی تیریفسالیك" و هایدرۆجینی خاوێن كه‌ ده‌كرێته‌ هه‌واوه‌، ته‌نانه‌ت له‌و ژینگه‌یه‌شدا كه‌ زۆر تفته‌ وه‌ك ئاوی ده‌ریا و ئاوی به‌لوعه‌.