دابه‌شكردنی‌ مووچه‌ به‌رده‌وامه‌


وێستگه‌ نیوز -
 وه‌زاره‌تی دارایی و ئابووری حكومه‌تی هه‌رێم به‌رده‌وامه‌ له‌ دابه‌شكردنی مووچه‌ی و بۆ ئه‌مڕۆ دووشه‌ممه‌ 28ی ئابی 2017، مووچه‌ی خانه‌نشینانی‌ پێشمه‌رگه‌ دابه‌شده‌كرێت.


وه‌زاره‌تی دارایی له‌ خشته‌كه‌یدا كه‌ پێشتر بڵاوكرده‌وه‌، ئاماژه‌ی به‌وه‌داوه‌: رۆژانی‌ یه‌كشه‌ممه‌ و دووشه‌ممه‌  27 و 28ی ئابی 2017، مووچه‌ی‌ خانه‌نشینانی‌ پێشمه‌رگه‌ دابه‌ش ده‌كرێت.

ئه‌وه‌شی‌ خسته‌ڕوو كه‌ رۆژانی‌ سێشه‌ممه‌ و چوارشه‌ممه‌ 29 و 30ی ئابی 2017، مووچه‌ی‌ خانه‌نشینانی‌ شارستانی‌ دابه‌ش ده‌كرێت.

پێشتریش سه‌رچاوه‌یه‌كی ئاگادار له‌ وه‌زاره‌تی دارایی و ئابووری حكومه‌تی هه‌رێمی كوردستان به‌ وێستگه‌ نیوزی راگه‌یاندبوو، پێش هاتنی جه‌ژنی قوربان وه‌زاره‌ته‌كه‌یان مووچه‌یه‌كی دیكه‌ ده‌داته‌ فه‌رمانبه‌ران.

رۆژی‌ یه‌كشه‌ممه‌ 13ی ئابی 2017، وه‌زاره‌تی دارایی و ئابووری حكومه‌تی هه‌رێمی كوردستان دابه‌شكردنی مووچه‌ی مانگی حوزه‌یرانی راگه‌یاند و یه‌كه‌م وه‌زاره‌تیش له‌ پێشمه‌رگه‌وه‌ ده‌ستیپێكرد.

حكومه‌تی هه‌رێمی كوردستان له‌ سه‌ره‌تای ساڵی 2016ه‌وه‌ به‌ناوی پاشه‌كه‌وتی مووچه‌وه‌، به‌شێك له‌ مووچه‌ی فه‌رمانبه‌رانی بڕیوه‌، كه‌ پاشه‌كه‌وته‌كه‌ له‌ %30 بۆ %70 ده‌گرێته‌وه‌ و به‌پێی زۆری و كه‌می رێژه‌كه‌ی، مووچه‌ی فه‌رمانبه‌ران پاشه‌كه‌وت كراوه‌.


AM:08:25:28/08/2017


ئه‌م بابه‌ته 12132 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو