له سلێمانی پرسیاری تاقیكردنەوەكان دزرا
وێستگە نیوز ـ محه‌مه‌د عەلی
بە تۆمەتی دزینی پرسیاری تاقیكردنەوەكانی كۆتایی ساڵ، 10 خوێندكار لە سلێمانی دەستگیر كران.
عومەر محه‌مه‌د، یاریدەری بەڕێوەبەری گشتی پەرەوەردەی سلێمانی ھەواڵەكەی بۆ وێستگه نیوز پشتڕاست كردەوەو وتی: "چەند خوێندكارێك لە دوو قوتابخانەی شاری سلێمانی ھەستاون بە دزینی پرسیاری تاقیكردنەوەكان و كێشەكانیان چارەسەر كراوە".
باسی لەوەشكرد، پرسیارەكان وەزاری نەبووە و پەیوەندی بە ئەوانەوە نییە چونكە لە سنووری بەڕێوەبەرایەتی پەرەوردەی رۆژھەڵات بووە.
لای خۆیەوە نەقیب سەركەوت ئەحمەد، بەڕێوەبەری راگەیاندن و پەیوەندییەكانی بەڕێوەبەرایەتی پۆلیسی سلێمانی بە وێستگە نیوزی راگەیاند: پەروەردە لیژنەی نیزامی خۆیان ھەیەو رەنگە لای خۆیان دەستبەسەر كرابن و ھێشتا كێشەكە نەگەشتوەتە لای پۆلیس.
AM:11:58:24/06/2021
ئه‌م بابه‌ته 4832
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت