بەھۆی پێنه‌دانى خواردن له لایه‌ن باوكییه‌وه منداڵێک لە برسا گیانی لەدەستدا
وێستگه نیوز-
"نەهلە" منداڵێکی سورییە، دوای ئەوەی باوکی بە زنجیر بەستویەتییەوە و خواردن و خۆراکی پێنەداوە لە نەخۆشی و برسێتیدا گیانیلەدەستداوە.
روسیا تودەی لەوبارەیەوە نوسیوویەتی، چیرۆکی ئەو منداڵە سورییە "نەهلە عوسمان" خەڵکی ئیدلیبی هەژاندووە، بەپێی راپۆرتی پزیشکی بەهۆی برسێتی و خنکانەوە گیانیلەدەستداوە.
بەپێی تۆڕە کۆمەڵایەتییەکانی ئەو وڵاتە نەهلە بەدەست برسێتی و تینوێتییەوە ناڵاندویەتی، باوکی خواردن و خواردنەوەی پێنەداوە و بە هۆی جوڵە زۆرەکانییەوە بە زنجیر بەستویەتییەوە.
بڵاوبوونەوەی وێنەی نەهلە کە دەست و قاچی بە زنجیر بەستراوە لەگەڵ هەواڵی مردنیدا، کاردانەوەی توندی لێکەوتووەتەوە و بووەتە جێگەی نیگەرانی خەڵکی ئەو ناوچەیە.
لەدوای جیابوونەوەی دایک و باوکی، نەهلە لەگەڵ باوکیدا لە خێمەکانی ناو فەرەج ئەڵادا ژیاوە کە دەکەوێتە باکوری شاری کللی لە ئەدلیب، لە ناو قەفەسێکی ئاسنیندا باوکی بەندیکردبوو.
PM:05:50:09/05/2021
ئه‌م بابه‌ته 5272
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت