ژاپۆن ئامادەی ناردنی بۆشایی‌پێما بۆ گەڕاندنەوەی نموونە لە مانگی مریخەوەیەک
وێستگە ستایل-
ژاپۆن ئامادەی ناردنی بۆشایی‌پێما بۆ گەڕاندنەوەی نموونە لە مانگی مریخەوەیەک
وێستگە ستایل - سۆلین عوسمان
ژاپۆن خۆی بۆ ناردنی بۆشایی‌پێمایەکی زانستی ئامادە دەکات کە ئامانجی بریتییە لە کۆکردنەوەی نموونەی خاک لە فۆبۆس، یەکێک لە دوو مانگەکەی مریخ، و گەڕاندنەوەی بۆ زەوی. ئەم پڕۆژەیە هەنگاوێکی گرنگە بۆ تێگەیشتنی زیاتر لە مێژوو و پێکهاتەی سیستەمی خۆر.
ئەم ئەرکە لەلایەن ئاژانسی گەشتی بۆشایی ژاپۆن، JAXA، بەڕێوە دەبرێت و ناوی «MMX»ـی لێنراوە. بەپێی ڕاپۆرتی Associated Press، هەڵفڕینی بۆشایی‌پێماکە بە موشەکی H3 بۆ ڕۆژی سێشەممەی ٢٠ی ئۆکتۆبەر پلاندانراوە.
پێشبینی دەکرێت بۆشایی‌پێماکە لە ساڵی ٢٠٢٧ بگاتە ناوچەی مریخ و سێ ساڵ لە دەوری فۆبۆس بە سەرکەوتن و پشکنینی ڕووی مانگەکەدا بەسەر ببات. زانایان ئامانجیانە لانیکەم ١٠ گرام لە خاکی فۆبۆس کۆبکەنەوە و لە کەپسوولێکی تایبەتدا بگەڕێننەوە بۆ زەوی لە ساڵی ٢٠٣١.
نموونەکانی خاک دەتوانن یارمەتی بدەن بۆ تێگەیشتن لەوەی فۆبۆس و مانگی دیکەی مریخ، دێیمۆس، چۆن دروست بوون. هەروەها توێژەران هیوادارن بەڵگەیەک دەربارەی ماددەکانی مریخ و مێژووی کۆنی سیستەمی خۆر بدۆزنەوە.
ئەنجامی ئەم ئەرکە دەتوانێت زانیارییەکی گرنگ بۆ گەشتی داهاتووی مرۆڤ بۆ مریخ دابین بکات.
Associated Press ـ هەواڵی گەشتی MMX
PM:11:16:18/10/2026
ئه‌م بابه‌ته 32
جار خوێنراوه‌ته‌وه