تلسکۆبی جەیمس وێب وردترین نەخشەی ماددەی تاریک دەکێشێت
وێستگە ستایل - سۆلین عوسمان
نەخشەیەکی نوێی ماددەی تاریک کە لەسەر بنەمای داتاکانی تلسکۆبی جەیمس وێب
دروستکراوە، دیدێکی زۆر ڕوونتر و وردتری بە توێژەران بەخشیوە دەربارەی
چۆنیەتی دابەشبوونی ئەم بارستە نادیارە لە سەرانسەری گەردووندا.
ئەم نەخشە نوێیە لە چاو وەشانی پێشووی کە تلسکۆبی هابڵ ئامادەی کردبوو، دوو هێندە
وردترە و ڕووبەرێکی فراوانتری گەردوون دەگرێتەوە، کە وایکردووە زانایان بتوانن
قووڵتر لە ڕابردوو بڕوانن.
ئەم دەستکەوتە زانستییە پەنجەرەیەکی نوێ بەرەو ڕووی ئەو سەردەمە دەکاتەوە کە
نزیکەی 8 بۆ 10 ملیار ساڵ لەمەوپێش بووە، واتە کاتێک گەلەستێرەکان خەریکی
دروستبوون و ڕێکخستنی ئەو پێکهاتانە بوون کە ئەمڕۆ دەیانبینین.
ماددەی تاریک بەشێکی گەورەی گەردوون پێکدەهێنێت بەڵام بە چاو نابینرێت و تەنها لە
ڕێگەی کاریگەرییە کێشکردنەکانیەوە هەستی پێ دەکرێت، هەربۆیە وردیی ئەم نەخشەیە بۆ
تێگەیشتن لە گەردوون زۆر گرنگە.
زاناکان هیوادارن لە ڕێگەی ئەم نەخشە وردەوە بتوانن نهێنییەکانی فراوانبوونی
گەردوون و ڕۆڵی ماددەی تاریک لە ڕاگرتنی گەلەستێرەکاندا بدۆزنەوە.
ناسا و ئاژانسی بۆشایی ئاسمانی ئەوروپا
PM:10:12:11/05/2026