لیۆنێل مێسی خەڵاتی شازادەی ئەستۆریاسی بۆ وەرزش لە ساڵی ٢٠٢٦ بەدەستهێنا

وێستگە ستایل - سۆلین عوسمان

ئەستێرەی ناوداری تۆپی پێی ئەرجەنتینی لیۆنێل مێسی لە ڕێوڕەسمێکی فەرمیدا لە شاری ئۆڤێدۆی ئیسپانیا، خەڵاتی شازادەی ئەستۆریاسی بۆ وەرزش بۆ ساڵی ٢٠٢٦ پێبەخشرا.

ئەم ڕێزلێنانە لە ٢٣ی تشرینی یەکەم لە شانۆی مێژوویی کامپۆامۆر و لەلایەن شازادە لیۆنۆرەوە پێشکەشی کرا، ئەوەش وەک پێزانینێک بۆ کاروانی وەرزشیی ناوازەی مێسی و کارە مرۆییەکانی بۆ منداڵان.

مێسی بە یاوەریی هاوسەرەکەی ئەنتۆنێلا ڕۆکۆزۆ ئامادەی مەراسیمەکە بوو، لە لایەن خۆیەوە دەستەی داوەران ئاماژەیان بە بەردەوامیی سەرکەوتنەکانی، بەهرەی تایبەتی لە یاریگادا، و کارە خێرخوازییەکانی بۆ باشترکردنی دۆخی پەروەردە و تەندروستیی منداڵانی هەژار کرد.

خەڵاتی شازادەی ئەستۆریاس یەکێکە لە بەنرخترین خەڵاتە نێودەوڵەتییەکانی وڵاتی ئیسپانیا، کە دەبەخشرێتە ئەو کەسایەتییانەی بە کردەوە و کارەکانیان نموونەیەکی بەرز لە کۆمەڵگەدا پێشکەش دەکەن.

ئەم خەڵاتە شانازییەکی دیکە دەخاتە سەر مێژووی پڕ لە نازناوی لیۆنێل مێسی و نیشانیدەدات کە چۆن سەرکەوتنی وەرزشی دەتوانێت لەگەڵ بەرپرسیارێتیی کۆمەڵایەتی و یارمەتیدانی لێقەوماواندا یەکبگرێتەوە.

دامەزراوەی شازادەی ئەستۆریاس

PM:11:17:23/10/2026

ئه‌م بابه‌ته 116 جار خوێنراوه‌ته‌وه‌‌