بازاڕە داراییەکانی جیهان کاردانەوە بەرامبەر لاوازیی ڕاپۆرتی هەلی کاری ئەمریکا و پێشبینییەکانی سوودی بانکی نیشان دەدەن

وێستگە ستایل - سۆلین عوسمان

بازاڕە داراییەکانی جیهان کاردانەوە نیشان دەدەن بەرامبەر بە ڕاپۆرتی هەلی کاری ویلایەتە یەکگرتووەکانی ئەمریکا کە ئامارەکانی لەوە لاوازتر بوون کە چاوەڕوان دەکرا. ئابووریی ئەمریکا لە مانگی ئەیلوولدا تەنها ٢٩ هەزار هەلی کاری ڕەخساندووە،بلە کاتێکدا ڕێژەی بێکاری بۆ ٤.٢ لەسەد بەرزبووەتەوە.

ئەم ئامارانەی کەرتی کار بە شێوەیەکی بەرچاو لاوازتر بوون لە پێشبینییەکانی ئابووریناسان. ئەم داتایانە بوونە هۆی کەمبوونەوەی چاوەڕوانییەکان بۆ بەرزکردنەوەی زیاتری ڕێژەی سوود لەلایەن یەدەگی فیدراڵییەوە، هاوکات داهاتی سەنەدەکانی گەنجینەی ئەمریکاش سەرەتا ڕووی لە دابەزین کرد.

سەرەڕای ئەمەش بازاڕەکانی پشک کاردانەوەی ئەرێنییان نیشاندا؛ بەجۆرێک پێنوێنی  ناسداک بە رێژەی ١.٢ لەسەد و پێنوێنی ئێس ئەند پی ٥٠٠ بە رێژەی ٠.٧ لەسەد لە مامەڵەکانی رۆژی هەینیدا بەرزبوونەوە.

ڕاپۆرتی هەلی کار گرنگییەکی زۆری هەیە چونکە ڕێژەی سوود کاریگەریی ڕاستەوخۆ دەکاتە سەر تێچووی قەرزکردن، بڕیارەکانی وەبەرهێنان، بازاڕی خانووبەرە و گەشەی بازرگانی.

هاوکات لەگەڵ ئەمەدا، بازاڕەکان چاودێریی نرخەکانی وزە و پێشهاتە جیۆپۆلەتیکییە نێودەوڵەتییەکان دەکەن، چونکە بەرزبوونەوەی نرخی نەوت تێچووی گواستنەوە و بەرهەمهێنان زیاد دەکات و دەبێتە هۆی هەڵئاوسان، ئەمەش دۆخێکی ئابووریی ئاڵۆز دەهێنێتە ئاراوە کە تێیدا گەشەی هەلی کار دابەزیوە لە کاتێکدا مەترسییەکانی هەڵئاوسان و نرخی وزە بەردەوامن.

بەپێی ڕاپۆرتی ئاژانسی دەنگوباسی ئەسۆشیەیتد پرێس سەبارەت بە داتاکانی وەزارەتی کار و ئاڵوگۆڕەکانی بازاڕی دارایی ئەمریکا.

PM:11:45:02/10/2026

ئه‌م بابه‌ته 64 جار خوێنراوه‌ته‌وه‌‌