چۆن چین توانی ببێتە پێشەنگی جیهان لە کەرتی وزەدا؟

وێستگە  ستایل - سۆلین عوسمان

وڵاتی چین توانیویەتی لە ماوەیەکی پێوانەیی و کەمدا ببێتە هێزی یەکەمی جیهان لە بەرهەمهێنان و پەرەپێدانی وزە نوێبووەوەکان.

وەبەرهێنانی زەبەلاح لە لایەن حکومەتەوە و داڕشتنی پلانی ستراتیژی درێژخایەن، هۆکاری سەرەکی ئەم بازدانە گەورەیەی چین بوون.

ئەم وڵاتە لە ئێستادا گەورەترین بەرهەمهێنەری پانێڵی خۆر، تۆرباینەکانی با، و پاتری ئۆتۆمبێلی کارەباییە لە جیهاندا، بە شێوەیەک کە ڕکابەری وڵاتانی ڕۆژئاوا دەکات.

لە ساڵانی ڕابردوودا چین بەدەست کێشەی گەورەی پیسبوونی ژینگە و دووکەڵی کارخانەکانەوە دەیناڵاند، ئەمەش وای لێکردن گۆڕانکاری ڕیشەیی لە سەرچاوەکانی وزەدا بکەن و بەرەو وزەی پاک هەنگاو بنێن.

پێشەنگایەتی چین لە کەرتی وزەدا نەک هەر ئابوورییەکەی بەهێزتر کردووە، بەڵکو نەخشەی وزەی جیهانیشی بە تەواوی گۆڕیوە و جیهانی بەرەو سەردەمێکی نوێ بردووە.

سەرچاوە: ڕاپۆرتی ئاژانسی نێودەوڵەتی وزە (IEA)

PM:11:54:22/07/2026

ئه‌م بابه‌ته 80 جار خوێنراوه‌ته‌وه‌‌