سۆفت بانک و هێزی ژیری دەستکردی ژاپۆنی؛ پڕۆژەیەکی گەورە لەگەڵ ئێنڤیدیا و فۆکسکۆن

وێستگە ستایل - سۆلین عوسمان

کۆمپانیای سۆفت بانکی ژاپۆنی هەنگاوێکی گەورە و ستراتیژی دەنێت بۆ چوونە ناو

پێشبڕکێی جیهانیی ژیری دەستکرد، ئەمەش لە ڕێگەی پلانێکەوە بۆ دروستکردنی

سێرڤەری تایبەت بە ژیری دەستکرد کە دروشمی "دروستکراوی ژاپۆن"یان لەسەر بێت.

ئەم پڕۆژەیە بە هاوکاری لەگەڵ هەردوو زەبەلاحی تەکنەلۆژیا، ئێنڤیدیا (Nvidia) و

فۆکسکۆن (Foxconn) جێبەجێ دەکرێت، ئامانج لێی کەمکردنەوەی پشتبەستنە بە زنجیرە

دابینکارییەکانی دەرەوە و پاراستنی بەهای پیشەسازی لە ناوخۆی وڵاتدا.

ئەم بڕیارەی سۆفت بانک بەشێکە لە ستراتیژییەکی مەودا مام ناوەندی گروپەکە، کە تێیدا

دەیانەوێت وەبەرهێنانە زەبەلاحەکانیان لە بواری ژیری دەستکرددا ئەنجامگیر بکەن، بە

تایبەت دوای ئەوەی زیاتر لە ٣٠ ملیار دۆلاریان وەک پشک لە کۆمپانیای ئۆپن ئەی ئای

(OpenAI) داناوە. پلانەکە سەرەتا بە کۆکردنەوە و بەستنی سێرڤەرەکان لە پارچەی

هاوردەکراو دەست پێدەکات، بەڵام ئامانجە درێژخایەنەکە ئەوەیە کە تا کۆتایی

ئەم دەسەڵاتە (ساڵی ٢٠٣٠) ژاپۆن بگاتە قۆناغی بەرهەمهێنانی تەواوەتی ناوخۆیی.

ئەم هەنگاوە تەنها پڕۆژەیەکی بازرگانی نییە، بەڵکو نیشانەیەکی ڕوونە بۆ هەوڵەکانی

ژاپۆن تا داواکارییە زۆرەکانی سەر تەکنەلۆژیای ژیری دەستکرد بگۆڕێت بۆ دەرفەتێکی

پیشەسازی نیشتمانی. بەمەش سۆفت بانک دەیەوێت پێگەی ژاپۆن لە نەخشەی تەکنەلۆژیای

جیهانیدا بەهێزتر بکات و ببێتە ناوەندێکی سەرەکی بۆ دابینکردنی پێداویستییەکانی

ژیری دەستکرد لە ناوچەکەدا.

سەرچاوە: ئاژانسی هەواڵی ڕۆیتەرز (Reuters)

PM:11:12:19/05/2026

ئه‌م بابه‌ته 64 جار خوێنراوه‌ته‌وه‌‌