نهێنی ڕەنگەکان؛ ئەو زمانە بێدەنگەی کۆنترۆڵی مێشکمان دەکات

وێستگە ستایل - سۆلین عوسمان 

توێژینەوە نوێیەکانی زانستی دەمار ئاشکرای دەکەن کە ڕەنگەکان تەنها ڕازاوەیی نین، بەڵکو کاریگەرییەکی بایۆلۆژی و دەروونی قووڵیان هەیە لەسەر لێدانی دڵ، ئاستی زیرەکی و تەنانەت شێوازی بڕیاردانمان بۆ کڕینی کەلوپەلەکان.

پەیمانگای "Cognitive Science Daily" ڕایگەیاندووە کە مێشک بە شێوەی جیاواز کارلێک لەگەڵ شەپۆلی ڕەنگەکاندا دەکات، بۆ نموونە ڕەنگی شین دەبێتە هۆی زیادبوونی داهێنان بە ڕێژەی ٣٠٪ چونکە هەستی ئارامی و کرانەوە دەبەخشێت، لە کاتێکدا ڕەنگی سوور ئاستی گەیشتنی خوێن بۆ ماسولکەکان خێرا دەکات و مرۆڤ ناچار دەکات بە پەلە بڕیار بدات.

جگە لەمانە، ڕەنگی زەرد وەک چالاککەرەوەی سیستەمی دەمار کار دەکات و تەرکیز و یادەوەری بەهێز دەکات، هەر بۆیە خوێندکاران سوود لە هێمای زەرد وەردەگرن، ڕەنگی سەوزیش وەک دەرمانێکی سروشتی وایە و تەنها سەیرکردنی دەبێتە هۆی دابەزاندنی هۆرمۆنی سترێس (کۆرتیزۆڵ) لە جەستەدا.

ئەم زانیارییانە پێمان دەڵێن کە جیهانی دەوروبەرمان بەردەوام پەیام بۆ مێشکمان دەنێرێت بەبێ ئەوەی هەستی پێ بکەین، تێگەیشتن لەم زمانە نهێنییە یارمەتیمان دەدات باشتر باری دەروونی خۆمان کۆنترۆڵ بکەین و تواناکانی مێشکمان گەشە پێ بدەین.

پسپۆڕان ئامۆژگاری دەکەن کاتێک ڕەنگی جلوبەرگ یان ژوورەکەت هەڵدەبژێریت، وردتر بیر بکەرەوە، چونکە تۆ بەو کارە پەیامێکی ڕاستەوخۆ بۆ خانەکانی مێشکت دەنێریت کە کاریگەری لەسەر هەموو ڕۆژەکەت دەبێت.

Cognitive Science Daily

PM:11:09:07/04/2026

ئه‌م بابه‌ته 68 جار خوێنراوه‌ته‌وه‌‌