سەرکردەیەکی داعش لە كهركوك دەستگیرکرا
سەرکردەیەکی داعش لەناو ماڵەکەی خۆی لە ناحیەی شوان دەستگیرکرا
وێستگه نیوز-
وهزارهتى ناوخۆی عێراق رایگەیاند، ئەمڕۆ یەکشەممە هێزەکانیان سەرکردەیەکی سەربازی داعشیان لە نێو ماڵەکەی خۆیدا لە ناحیەی شوانی سهربه پارێزگاى كهركوك دەستگیرکرد.
وهزارهتى ناوخۆ لهڕاگهیهندراوێكدا ئهمڕۆ یهكشهممه27ى كانونى یهكهمى 2020، لهماڵپهرى فهرمى خۆى بڵاویکردەوە، "هێزەکانى دهزگاى ههواڵگرى له كهركوك توانیویانە سەرکردەیەکی داعش دەستگیربکەن، کە فەرماندەیی فەوجی سەربازی و پۆلیسی داعش بووە لە کەرکوك و موسڵ".
بەپێی ڕاگەیاندراوەکە، دەستگیرکردنی ئەو سەرکردەیەی داعش لەسەر زانیاری پێش وەختە بووە و توانراوە لە نێو ماڵەکەی خۆی لە ناحیەی شوان دەستگیر بکرێت.
مانگی کانونی یەکەمی 2017 حەیدەر عەبادی، سەرۆک وەزیرانی پێشوتری عێراق کۆتاییهاتنی دەسەڵاتی داعشی لە عێراق راگەیاند، بەڵام بە گوێرەی هێزەکانی عێراق بەشێک لە ئەندامانی ئەو رێکخراوە بەشێوەی گروپی بچوک لە ناوچە بیابانەکانی ئەنبار، دیالە و سەڵاحەدین و چەندین شوێنی دیکەی عێراق بونیان هەیە.
PM:12:04:27/12/2020
ئهم بابهته 892
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت