ئاگر لەکەمپی بێرسڤی ئاوارەکانی شنگال کەوتەوە

وێستگه‌ نیوز ـ

ئاگر له‌ كامپی بێرسڤی ئاواره‌كانی شنگال له‌ ناحیه‌ی ده‌ركاری سه‌ر به‌ قه‌زای سۆران زاخۆ كه‌وته‌وه‌ و له‌ماوه‌ی هه‌فته‌یه‌كیشدا ئه‌مه‌ چواره‌م حاڵه‌تی ئاگر كه‌وتنه‌وه‌یه‌ له‌ كامپی ئاواره‌كانی شنگال له‌ زاخۆ.

فه‌یسه‌ڵ عه‌لی، چالاكی ئێزدی لە زاخۆ، به‌ وێستگه‌ نیوزی راگه‌یاند: ئاگره‌كه‌ بەهۆی شۆرتی کارەباوە كه‌وتووه‌ته‌وه‌ و سێ خێوه‌تی ئاواره‌كان سووتاون.

وتیشی: "كوژاندنه‌وه‌ی ئاگرەکە ماوه‌ی نیو كاتژمێری خایاندووه‌ و دواتر كۆنتڕۆڵ كراوه‌".

به‌پێی زانیارییه‌كانی وێستگه‌ نیوز، لە ماوەی هەفتەیەکدا ئەمە چوارەم رووداوی ئاگر کەوتنەوەیە لە کامپی ئاوارەکانی شنگال لە سنووری قەزای زاخۆ، تا ئێستا 34 خێوه‌تی ئاواره‌كان سووتاون.

AM:10:27:12/09/2020

ئه‌م بابه‌ته 1496 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت