400 كەس لەسلێمانی پلازمای خوێنیان بەخشیوە
وێستگە نیوز- پشتیوان جەمال
لەشاری سلێمانی تائێستا نزیكەی 400 چاكبووەوەی ڤایرۆسی كۆرۆنا پلازمای خوێنیان بەخشیوە بۆ چاكبووەوەی تووشبووان.
د.یاد نەقشبەندی، وتەبێژی بەڕێوەبەرایەتی گشتی تەندروستی سلێمانی بەوێستگە نیوزی راگەیاند، تائێستا 400 چاكبووەوەی ڤایرۆسی كۆرۆنا سەردانی بانكی خوێنیان كردووە بۆ بەخشینی پلازمای خوێن بۆ ئەوەی لەو رێگەیەوە تووشبووانی دیكەی كۆرۆنا چاك ببنەوە كە ئەوەش هەنگاوێكی دڵخۆشكەرە.
بەپێی رێنماییە پزیشكییەكان بەكارهێنانی پلازمای خوێن یەكێكە لەڕێگەكانی چارەسەری بۆ چاكبوونەوەی تووشبووانی كۆرۆنا ئەویش بەوەرگرتنی بتڵێك لەخوێنی چاكبوویەك كە 14 رۆژ بەسەر چاكبوونەوەیدا تێپەر بووبێت، تەندروستی سلێمانی هەر بتڵێك خوێن بۆ سێ تووشبوو بەكاردەهێنێت.
PM:04:52:12/07/2020
ئه‌م بابه‌ته 960
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت