عیراق هاورده‌كردنی به‌نزینی راگرت
فۆتۆ: ئەرشیڤ
وێستگه نیوز ـ
وەزارەتی نەوتی عیراق رایگەیاند، چەندین پڕۆژە لە کارکردندا، لە نێویاندا فراوانکردنی پاڵاوگەکان، کە بە هۆیەوە پێویستییەکانی وڵات و کوالێتی سووتەمەنییه‌کان گەرەنتی دەکرێت، هاوکات وەزارەتی نەوت ئاماژه‌یداوه، له‌م هاوردەکردنی بەنزینیان راگرتووە، ئەوەش دوای ئەوەی عەمبارەکان سەرڕێژبوون لە بەرهەمە نەوتییە جیاوازەکان.
حامد یونس، بریکاری وەزارەت نەوت بۆ کاروباری پاڵاوگە و گاز رایگەیاند، لە رۆژانی کەرەنتینە قەدەخەی هاتووچۆدا، وەزارەتی نەوت بەردەوام بووە لە پاڵاوتنی نەوتی خاو لە پاڵاوگە ناوخۆییەکاندا، بەوەش عەمبارەکان لە بەغدا و پارێزگاکانی دیکە پڕ بوون لە سووتەمەنی.
ئەو بریکارە ئاماژەی بەوەدا، لەگەڵ نزیکبوونەوەیان لە وەرزی هاوین خواست لەسەر بەرەهەمە نەوتییەکان بۆ وێستگەکانی کارەبا زیاد دەبێت، و هەروەها خواست بۆ بەنزینیش لە لایەن هاووڵاتییانەوە زیاد دەکات.
ئاماژەی بەوەشدا لەم مانگەدا هاوردەکردنی بەنزینیان راگرتووە، لە کاتێکدا رۆژانە هەشت بۆ 10 ملیۆن لیتر بەنزینیان هاوردە دەکرد.
هــ. ر
AM:11:34:10/05/2020
ئه‌م بابه‌ته 3316
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت