ناوەڕۆكی كۆبوونەوەی شاندی حكومەتی هەرێم و لیژنەی دارایی پەرلەمانی عێراق
وێستگە نیوز-
شاندی حكومەتی هەرێم و لیژنەی دارایی پەرلەمانی عێراق بڕیاریاندا لەمەولا هەماهەنگی زیاتر هەبێت لەنێوان حكومەتی هەرێم و لیژنەی دارایی بۆ ئەوەی لەقۆناغەكانی داهاتوودا بتوانن لەو كاتانەی پێویستە كاری هاوبەشی زیاتر بكەن و كەموكوڕییەكان چارەسەر بكەن.
سەمیر ھەورامی، وتەبێژی قوباد تاڵەبانی، جێگری سەرۆكی حكومەتی هەرێمی كوردستان بەوێستگە نیوزی راگەیاند، شاندی حكومەتی هەرێم و لیژنەی دارایی ئەنجومەنی نوێنەرانی عێراق بەسەرۆكایەتی هەیسەم جبوری، لەبارەی كێشە داراییە كەڵەكەبووەكانی بەغداو هەولێر كۆبوونەوە و تیایدا شاندی حكومەتی هەرێم لەگەڵ سەرۆك و هەندێك لە ئەندامانی لیژنەی دارایی كۆمەڵێك راسپاردە و پێشنیاریان گەڵاڵە كرد بۆ چارەسەركردنی كێشەكان بەتایبەت ئەوانەی پەیوەستن بە نەوت و پشكی هەرێم لە یاسای بودجەی 2019 دا، هەروەها رێوشوێنەكانی مامەڵەكردنیان لەگەڵ ساڵی دارایی 2020 تاوتوێكرد.
ناوبراو روونیكردەوە، بڕیاردرا لەمەولا هەماهەنگی زیاتر هەبێت لەنێوان حكومەتی هەرێم و لیژنەی دارایی ئەنجومەنی نوێنەران بۆ ئەوەی لەقۆناغەكانی داهاتوودا بتوانن لەو كاتانەی پێویستە كاری هاوبەشی زیاتر بكەن و كەموكوڕییەكان چارەسەر بكەن.
PM:04:17:01/05/2020
ئهم بابهته 3404
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت