ئه‌مریكا رێگه‌ به‌ هاوڵاتیانی ئێران نادا به‌ ڤیزای بازرگانی سه‌ردانی وڵاته‌كه‌ی بكه‌ن

‌فۆتۆ: گێتی

وێستگه‌ نیوز ـ
له‌ رێككارێكی نوێدا، ده‌سه‌ڵاتدارانی ئه‌مریكا بڕیاریاندا، چیتر رێگه‌ نه‌ده‌ن، هاوڵاتیانی ئێران به‌ ڤیزای بازرگانی و وه‌به‌رهه‌هێنان سه‌ردانی وڵاته‌كه‌ی بكه‌ن.

فه‌رمانگه‌ی خزمه‌تگوزاری كۆچ و ره‌گه‌زنامه‌ی ئه‌مریكا، رایگه‌یاند، له‌ ئۆكتۆبه‌ری 2018 ه‌وه‌، كۆتایی به‌ په‌یماننامه‌ی دۆستایه‌تی نێوان هه‌ردوولا هاتووه‌، كه‌ چه‌ندین ده‌یه‌یه‌ به‌رده‌وام كاری پێده‌كرا.

هه‌روه‌ك راشیگه‌یاندووه‌: چیتر هاوڵاتیانی ئێران مافی وه‌رگرتنی ڤیزای (E-1 ، E-2)یان نییه‌، كه‌ ده‌درێته‌ ئه‌و هاوڵاتیانه‌ی به‌ مه‌به‌ستی بازرگانی و وه‌به‌رهێنان روو له‌ ئه‌مریكا ده‌كه‌ن.

فه‌رمانگه‌كه‌ داواشی له‌و ئێرانییانه‌ كردووه‌، كه‌ به‌و دوو جۆره‌ ڤیزایه‌ ئێستا له‌ ئه‌مریكان، ده‌ستبه‌جێ پێش ته‌واوبوونی ماوه‌ی مانه‌وه‌یان ئه‌مریكا به‌جێبهێڵن.

هــ. ر


AM:08:59:24/01/2020


ئه‌م بابه‌ته 512 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت