وانهبێژانی چهمچهماڵ گردبوونهوهیهكیان ئهنجامدا
وێستگه نیوز ـ
بۆ داواکردنی مووچە و دامەزراندنی هەمیشەیی، مامۆستایانی وانەبێژ لەبەردەم پەروەردەی چەمچەماڵ گردبوونەوە و ناڕەزایی خۆیان دەربڕی.
ئەمڕۆ پێنجشەممە 19ی كانوونی یهكهمی 2019، لەبەردەم بەڕێوەبەرایەتی پەروەردەی چەمچەماڵ، وانەبێژانی سنوورەکە گردبوونەوە و تیایدا، داوای دامەزراندنی هەمیشەیی و مووچەکانیان دەکەن کە لەبەرامبەر وانەبێژییاندا وەریدەگرن.
یەکێک لە مامۆستا وانەبێژەکان رایگەیاندووه: "حکومەت و پەروەردەی چەمچەماڵ تاوانبارن لە ئاست وەرنەگرتنی مووچەکانمان و ئێمە تەنیا داوای مافی خۆمان دەکەین".
وتیشی، "داوا لە مامۆستایان دەکەم کە پرسیاری تاقیکردنەوەکانیان نەدەن بە بەڕێوەبەرەکانیان و بەوەش بەرپرسانی پەروەردە لە پێدانی مووچەکانیان ئاگاداردەکەنەوە".
هاوکات، داوای دامەزراندن و بە هەمیشەییکردنیان لە حکومەتی هەرێمی کوردستان کرد و رایانگەیاند، هەرچی کەم و کوڕی پەروەردەی سنوورەکە هەیە بە مامۆستای وانەبێژ پڕکراوەتەوە، هەربۆیە مافی خۆیانە ببنە هەمیشەیی.
ئەوەش لەکاتێکدایە، نزیک بە هەزار مامۆستای دانەمەزراو لە سنوری قەزای چەمچەماڵدا وانەبێژی دەکەن و گرفتی پێنەدانی مووچە و دانەمەزراندنیان بەشێوەیەکی هەمیشەیی هەیە.
PM:01:49:19/12/2019
ئهم بابهته 2040
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت