عادل عهبدولمههدی: چهند لایهنێك چالاكوان و كهسایهتیهكان دهڕفێنن
عادل عەبدولمەهدی، سەرۆك وەزیرانی عیراق
وێستگه نیوز ـ
عادل عەبدولمەهدی سەرۆك وەزیرانی عیراق رایگەیاند: چەند لایەنێك دوور لەدامەزراوەكانی دەوڵەت چالاكوان و كەسایەتییەكان دەڕفێنن.
نووسینگەی عادل عەبدولمەهدی، سەرۆك وەزیرانی عیراق له بەیاننامەیەكدا سەبارەت بەزیادبونی دیاردەی رفاندنی خۆپیشاندەران و چالاكوانان رایگەیاند: ئەو كارانە هەندێك لایەن ئەنجامی دەدەن كە وای دەردەخەن سەر بەدامەزراوەكانی دەوڵەتن.
دەشڵێت: "كامێراكانی چاودێری دیاردەی رفاندنی لیوا یاسر عەبدولجەباریان لەناوچەی جادریە تۆمار كردوە".
عەبدولمەهدی بەتوندی ئیدانەی ئەو هەوڵەی كردوەو رایگەیاندووه: "هەر كەسێك ئەو تاوانەی كردبێت، سزای خۆی وەردەگرێت، داواشیكرد دەستبەجێ و بەبێ هیچ مەرجێك ئەو پلەدارە سەربازیی ئازاد بكرێت".
سەرۆك وەزیرانی عیراق راشیگەیاند: فەرمانگە ئەمنییەكان و دادگا تایبهتمەندەكان دەستیان بەلێكۆڵینەوەی پێوست بۆ ناسنینەوەی رفێنەران كردوە و هۆشدارییدا لەوەی هەر لایەنێك ئەو كارە بكات یان پەردەپۆشی بكات رووبەڕووی یاسا دەكرێتەوە.
لەكۆتایی بەیاننامەكەیدا، عەبدولمەهدی تەئكیدیكردەوە: بەهیچ جۆرێك كاری رفاندن قبوڵ ناكرێت، ئەو كارانە سەرپێچییە لە یاساو رێنماییەكان و دەوڵەت لێی بێبەرییە.
هــ. ر
AM:09:58:15/11/2019
ئهم بابهته 2144
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت