به فه‌رمی كه‌شوهه‌وای رۆژانی نه‌ورۆز راگه‌یه‌ندرا
وێستگه نیوز ـ
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێم ره‌وشی كه‌شوهه‌واو پله‌كانی گه‌رمای رۆژانی نه‌ورۆزی راگه‌یاند و ئاماژه‌ی به‌وه‌دا كه پله‌كانی گه‌رما به‌رزده‌بنه‌وه.
كه‌شناسی هه‌رێم له راگه‌یه‌ندراوێكدا ئاماژه‌ی به‌وه‌دا: رۆژی 21ی ئه‌م مانگه كه ده‌كاته یه‌كه‌م رۆژی نه‌ورۆز، ئاسمان ساماڵ و په‌ڵه هه‌ور ده‌بێت هه‌ندێ كات بۆ نیمچه هه‌ور ده‌بێت.
راشیگه‌یاند: رۆژی هه‌ینی 22ی ئازاری 2019، ئاسمان ساماڵ و په‌ڵه هه‌ور ده‌بێت، له هه‌ندێ كات بۆ نیمچه هه‌ور ده‌گۆڕێت.
ئه‌وه‌شی خستووه‌ته‌ڕوو: له هه‌ردوو رۆژانی پێنجشه‌ممه و هه‌ینی پله‌كانی گه‌رما روو له به‌رزبوونه‌وه ده‌كه‌ن و خێرایی با ئاسایی ده‌بێت.
له باره‌ی رۆژی شه‌ممه 23ی ئازاری 2019، ئاسمان به گشتی نیمچه هه‌ور ده‌بێت و له هه‌ندێ شوێن ئه‌گه‌ری بارانبارین هه‌یه.
هــ. ر
PM:02:58:19/03/2019
ئه‌م بابه‌ته 18296
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت