مه‌سرور بارزانی: ئەنجامدانی هەڵبژاردن بووین، بەڵام هەڵبژاردنێکی ڕەوا و دیموکراتییانە و دەستووری
وێستگه نیوزـ
له‌میانی پێشوازیكردنی له تۆبیاس لیندنەر، وەزیری دەوڵەت لە وەزارەتی دەرەوەی ئەڵمانیا، مەسرور بارزانی، سەرۆکی حکومەتی هەرێمی کوردستان باسی له پرسی هه‌ڵبژاردنی په‌رله‌مانی كوردستان كرد كه به بریاری حزبه‌كه‌ی بایكۆتكرا و ده‌ڵێت: "ئێمە هەمیشە لەگەڵ ئەنجامدانی هەڵبژاردن بووین و لەگەڵ هەڵبژاردنین، بەڵام پێویستە هەڵبژاردنێکی ڕەوا و دیموکراتییانە و دەستووری بێت".
ماڵپه‌ری حکومەتی هەرێمی کوردستان بڵاویكرده‌وه: لە کۆبوونەوەکەدا، وەزیری دەوڵەت لە وەزارەتی دەرەوەی ئەڵمانیا، جه‌ختی له‌سه‌ر بەردەوامبوونی پشتیوانیی پێشمەرگە و هاریکاری و هەماهەنگیی وڵاتەکەی لەگەڵ حکومەتی هەرێمی کوردستان کردوه‌ته‌وه.
مه‌سرور بارزانی وتویه‌تی: هەرچەندە بە شێوازی جۆراوجۆری سیاسی و سەربازی و ئابووری و بەناو یاسایی، فشار لە هەرێمی کوردستان دەکرێت بۆ ئەوەی دەستبەرداری مافە دەستوورییەکانی ببێت، بەڵام خەڵکی کوردستان هەرگیز ئامادە نییە سازش لەسەر مافەکانی بکات".
لەبارەی پرۆسەی هەڵبژاردن، سەرۆکی حکومەت رایگه‌یاندوه: "ئێمە هەمیشە لەگەڵ ئەنجامدانی هەڵبژاردن بووین و لەگەڵ هەڵبژاردنین، بەڵام پێویستە هەڵبژاردنێکی ڕەوا و دیموکراتییانە و دەستووری بێت و لە چوارچێوەی یاسایەكی هەڵبژاردنی دادپەروەرانە بێت، كە گەرەنتی نوێنەرایەتیكردنی سەرجەم چین و توێژ و پێكهاتەكانی گەلی كوردستان بکات".
PM:03:21:19/03/2024
ئه‌م بابه‌ته 848
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت