هۆشیار زێباری: قبوڵنەکردنی ئەنجامەکانی هەڵبژاردن پەرتەوازەیی عێراقی لێدەکەوێتەوە
هۆشیار زێباری، وەزیری پێشووتری دەرەوەی عێراق
وێستگەنیوز-
هۆشیار زێباری، وەزیری پێشووتری دەرەوەی عێراق و ئەندامی مەکتەبی سیاسی پارتی رایگەیاند، لەئێستادا جۆرێک لەدواخستن و پاشەکشەی رۆڵی ئەمریکا هەیە لە عێراق و ئەفغانستان و بەوهۆیەش لەداهاتودا تورکیا و ئێران زۆرترین کاریگەرییان دەبێت لەسەر وڵات، بۆیە پەکخستنی پرۆسەی سیاسی و قبوڵنەکردنی ئەنجامەکانی هەڵبژاردن، پەرتەوازەیی عێراقی لێدەکەوێتەوە.
هۆشیار زێباری لەکۆڕبەندی ئاشتی و ئاسایشی رۆژهەڵاتی ناوەڕاست کە ئەمڕۆ سێشەممە بەئامادەبوونی سەرکردەکانی عێراق و هەرێمی کوردستان لە زانکۆی ئەمریکی -کوردستان لە دهۆک بەڕێوەدەچوو ئاماژەی بەوەشکرد، "هەموو لایەنەکان دەنگیان بەیاسای نوێی هەڵبژاردنەکان داوە، بۆیە دەبێت هەوڵ بدەین حکومەتی داهاتووی عێراق هەمووان کۆبکاتەوە".
ئاماژەی بەوەشکرد، "تورکیا و ئێران زۆرترین کاریگەرییان هەیە لەسەر عێراق بەراورد بە وڵاتانی عەرەبی و لەم کاتەشدا جۆرێک لەدواخستن و پاشەکشەی رۆڵی ئەمریکا هەیە لە عێراق و ئەفغانستان".
وەزیری پێشووتری دەرەوەی عێراق لەبارەی کاریگەری رەتکردنەوەی ئەنجامی هەڵبژاردنەکان لەلایەن هەندێک لایەنەوە وتی، "پەکخستنی پرۆسەی سیاسی و قبوڵنەکردنی ئەنجامەکانی هەڵبژاردن پەرتەوازەیی عێراقی لێدەکەوێتەوە."
AM:11:45:16/11/2021
ئه‌م بابه‌ته 2228
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت