سلێمانی.. خەرجنەکردنی پارە بۆتە هەڕەشە لەسەر لەناوچوونی سێ ملیۆن داری باخچەکان

وێستگە نیوز-

عەلی حەمەساڵح دەڵێت، "بەھۆی دابیینەکردنی یەک ملیار دینارەوە سەدان ھەزاران درەختی سلێمانی لەبەردەم مەترسی وشک بونە"، دەشڵێت،"ئەوەی ساڵانێکە بونیاددراوە خەریکە لە نێو دەچێت".

عەلی حەمەساڵح، ئەندام پەلەمانی کوردستان لە ئەژماری خۆی لەتۆری کۆمەڵایەتی فەیسبووک ڕایگەیاندووە، "ڕێژەی درەخت و سەوزایی لە سلێمانی لە ئاستێکی زۆر باشدایە، بەڵام بەھۆی دابیننەکردنی یەک ملیار و 100 ملیۆن دینارەوە  بۆ ئاودان مەترسی وشکبونی سەدان ھەزار درەخت ھەیە، ئێستا نوسراوی تەرخانکردنی ئەم پارە لە وەزارەتی دارایەوە بەرزکراوەتەوە بۆ ئەنجومەنی وەزیران".

لە سنوری سەرۆکاتی شارەوانی سلێمانی 650 باخچە و 12 پارک هەن لەگەڵ پارکی هەواری شار، هاوکات 330 بلوار هەن و لە ژمارە باخچە و ناوچە سەوزاییەدا نزیکەی سێ ملیۆن دار چێندراون.

PM:06:22:11/05/2021

ئه‌م بابه‌ته 2124 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت