رزگار حاجی حەمە، ئەندامی مەکتەبی سیاسی یەکێتی نیشتیمانی کوردستان بە میدیای فەرمی حزبەکەی راگەیاندوە، "سەرۆكی لیستی هاوبەشی یەكێتیو گۆڕان لاهور شێخ جەنگی هاوسەرۆكی ی.ن.ك دەبێت".
ئێوارەی ئەمڕۆش ئەنجومەنی کۆمسیارانی کۆمسیۆنی باڵای سەربەخۆی هەڵبژاردنەکانی عێراق رایگەیاند، "هاوپەیمانیی کوردستان" کە هاوپەیمانێتیی یەکێتی و گۆڕانە بۆ بەشداریکردن لەهەڵبژاردنی پەرلەمانی عێراق لە 10-10-2021 بەفەرمی تۆمارکرا، بەو پێیەش ئەو دوو حزبە لەهەر بازنەیەکی هەڵبژاردن چەند کاندیدێكی هاوبەشیان دەبێت و بەیەوە کار بۆ سەرکەوتنیان دەکەن.
بەگوێرەی نوسراوێکی ئەنجومەنی کۆمسیارانی کۆمسیۆنی باڵای سەربەخۆی هەڵبژاردنەکانی عێراق کە ئەمڕۆ 1ی ئایار دەرچووە باس لەوەشکراوە، ئەنجومەنی کۆمسیاران بەگوێرەی ماددهى 29ى یاساى حزبه سیاسیهکان و ژماره 36ى ساڵى 2015 و ڕێوشوێنهکانى هاوپهیمانى و یهکگرتن ژماره 2ى ساڵى 2020، به زۆرینهى دهنگ ڕهزامهندى درا لهسهر دامهزراندنى هاوپهیمانێتیهکهى یهکێتى و بزوتنهوهى گۆڕان به ناونیشانى (هاوپهیمانى کوردستان).
هـ.هـ