باشترین کات بۆ چاودێریکردنی باڵای منداڵ چ کاتێکە ؟
وێستگە ستایل-
وەک ئاشکرایە گەشەی جەستە و باڵای منداڵ بابەتێکی پزیشکی زۆر گرنگە و پێویستە دایک و باوکان بە گرنگییەوە لە بابەتە بڕوانن، بەوپێیەی چاودێریکردنی باڵا و گەشەی منداڵ پەیوەستە بە کاتێکی دیاریکراوەوە و ئەگەر لەو کاتە تێپەڕیکرد ناتوانرێت چارەسەری کەموکورتییەکان بکرێت، پێوەری باڵای منداڵیش هۆکارە خێزانی و ژینگەییەکان کاریتێدەکەن، دکتۆرە گەشبین کاوە پسپۆڕی نەخۆشییەکانی منداڵان و گەشەی منداڵان لەم باسەدا کاتی دیاریکراوی چاودێریکردنی باڵای منداڵ دەخاتە ڕوو، کە بەم جۆرەیە:
1- هەموو منداڵێک هەر لە سەرەتای لە دایکبوونەوە دەبێت لەلایەن پزیشکی منداڵانەوە چاودێری گەشەی جەستە و تەندروستی بکرێت.
2- منداڵێک کە هیچ گرفتێکی تەندرووستی نەبێت پێویستە ساڵی 1 جار پێوانەی باڵا و کێشی بۆ بکرێت و ئەگەر تەندروست بوو، دەکرێت بەو شێوازە بەردەوامبێت.
3- کچان زۆر گرنگە لە کاتی دەرکەوتنی نیشانە سەرەتاییەکەنی باڵغبوون سەردانی پزیشکی منداڵان بکەن، چونکە لەو تەمەنە ئەگەر باڵای کورتبێت دەتوانرێت بەپێی پێویست چارەسەر بکرێت لەبەرئەوەی دوا بە دوای دەستپێکردنی سوڕی مانگانە کاتێکی درەنگە بۆ چارەسەری باڵا.
PM:05:09:14/08/2025
ئه‌م بابه‌ته 840
جار خوێنراوه‌ته‌وه