نەخۆشی حومەی ماڵتا چییە ؟
وێستگە ستایل-
لە ماوەی ئەم مانگەدا زیادبوونێکی بەرچاو لە دووچاربوون بە نەخۆشی حومەی ماڵتا (تای ماڵتا) بینراوە، هەموو ساڵێک بە تایبەت لەناو دانیشتوانی چەند ناوچەیەکی کوردستان، ژماری تووشبوون بەم نەخۆشییە زیاد دەکات.، دکتۆر زانیار ئاغال پسپۆڕی نەخۆشییەکانی هەناو، شەکرە و دڵ لەم باسەدا ڕوونکردنەوەی زیاتر سەبارەت بە نەخۆشی حومەی ماڵتا دەدات دەربارەی هۆکاری تووشبوون و چۆنیەتی خۆپاراستن لەم نەخۆشییە.
1- هۆکاری تووش بوون: خواردن و خواردنەوەی شیر و پەنیری کوردییە کە پێش ئامادەکردنی کوڵاندنی پێوویستی بۆ نەکراوە، هەروەها خواردنی گۆشتی ئاژەڵێک کە سەربڕینی بە شێوەیەکی تەندروست چاودێری نەکرابێت.
- لە ئێستادا بە بۆنەی کرانەوەی ژمارەیەکی زۆر لە خواردنگە کە نانی بەیانیان ئامادە دەکەن و خەڵکانێکی زۆر دەچن بۆ ئەو شوێنانە بۆ نانی بەیانی، هەندیك لەو شوێنانە پەنیری کوردی دا دەنێن کە هەندێکی باش نەکوڵێنراوە، ئەمەش دیسانەوە سەرچاوەیەکی دیکەیە بۆ تووشبوون.
2- خۆپاراستن: دوور کەوتنەوە لە هەموو شیر و پەنیر و گۆشتی ئاژەڵێک کە دڵنیا نەبن لە پاک و سەلامەتی ئاژەڵەکە، هەروەها لە کاتی تووشبوون بە لەرز و تا و گیان ئێشە و ئارەق کردنەوەی زۆر، تەنها سەردانی پزیشکی هەناوی بکەن هەتا زوو نەخۆشییەکە دەست نیشان بکرێت.
PM:04:54:14/08/2025
ئه‌م بابه‌ته 852
جار خوێنراوه‌ته‌وه