‌نوێترین چارەسەری کەچەڵی دۆزرایەوە

وێستگە ستایل-

تاقیکردنەوەی دەرمانێکی نوێ سەرکەوتنی بەدەستهێنا لە چاندنەوەی ڕەگی تاڵە مووەکانی قژی ئەو پیاوان و خانمانانەی کە دووچاری کەچەڵبوون هاتبوون لە پشت و پێشی سەریاندا.

لە قۆناغی تاقیکردنەوەی زانستی 2a دا بەشداربووان ڕۆژانە جۆرە جێڵێکیان بەکارهێنا بۆ مەساجکردن بە پێستی سەریان کە ماددەیەکی نوێی بە ناوی PP405 تێدابوو، لە دەرەنجامی ئەم تاقیکردنەوەیەدا لە هەفتەی هەشتەمدا توانرا دووبارە گەشەی تاڵە مووەکانی قژ ببینرێت.

ڕێژەی %31 ی بەکارهێنەرانی ئەم دەرمانە نوێیە چڕی قژیان بە ڕێژەی %20 زیادیکردووە لە پاش بەکارهێنانی دەرمانەکە، هەروەها ئەوەی جێگەی ئاماژەیە ئەوەیە ئەم دەرمانە هیچ جۆرە کاریگەرییەکی لاوەکی لەسەر ئەو کەسانە جێنەهێشت و بە هیچ جۆرێک لە خوێنیاندا هەستی پێنەکرا، ئەمەش بە واتای ئەوە دێت دەرمانەکە کاریگەری خراپی لەسەر هیچ ئەندامێکی جەستە نییە.

ئەم دەرمانە نوێیە لەسەر ئەنزیمی Lactate Dehydrogenase کاردەکات و ڕەگی تاڵە قژە کۆنەکان دەبوژێنێتەوە و چالاکیان دەکاتەوە، پسپۆڕانی پزیشکی لە بواری قژ و پێستدا دووچاری سەرسوڕمان بوون دەربارەی کاریگەرییە خێراکەی ئەم دەرمانە نوێیە کە بە جۆرێکە تەنها لە پاش 4 هەفتە لە بەکارهێنان ڕەگی قژ بەهێزدەکات بە ئەستوری و سروشتی.

ئەگەر چەند تاقیکردنەوەیەکی دواتری ئەم دەرمانە سەرکەوتوو بێت، وا بڕیارە لە نێوان ساڵی 2027 و 2028 دا دەرمانەکە بکەوێتە بازاڕەکانی ئەمریکا.


PM:04:38:14/08/2025


ئه‌م بابه‌ته 992 جار خوێنراوه‌ته‌وه‌‌