6 نیشانەی مەترسیداری شێرپەنجەی پەنکریاس بزانە
وێستگە ستایل-
وەک ئاشکرایە شێرپەنجەی پەنکریاس یەکێکە لە مەترسیدارترین جۆرەکانی شێرپەنجە، بەو پێیەی پێنجهەمین جۆری شێرپەنجەیە کە دەبێتە هۆی مردن، زوو دەستنیشانکردنی ئەم نەخۆشییە دەکرێت ڕێگربێت لە پەرەسەندن و بڵاوبوونەوەی بە جەستەدا.
بە گوێرەی سەنتەری توێژینەوەی شێرپەنجە لە بەریتانیا، ساڵانە 10,800 کەس دەستنیشاندەکرێن بەم جۆرە شێرپەنجەیە لەو وڵاتەدا، ئەم ڕێژەیەش بە واتای تۆمارکردنی 30 نەخۆش دێت لە ڕۆژێکدا.
ڕۆژنامەی Independent ی بەریتانی 6 نیشانەی گرنگی شێرپەنجەی پەنکریاسی خستۆتەڕوو کە پێویستە هەموو کەسێک بیانزانێت، ئەوانیش بریتین لە :
1- هەستکردن بە ئازار لە سک و پشتدا بە تایبەت ئەگەر بە تێپەڕبوونی کات خراپتر ببێت بە مانای بڵاوبوونەوەی شێرپەنجەکە دێت.
2- دابەزینی کێشی لەش بە بێ ئەوەی کەسەکە هیچ جۆرە ڕێجیمێکی تایبەتی کردبێت.
3- دووچاربوون بە زەردووی لە پێست و سپێنەی چاودا نیشانەیەکی مەترسیدارە.
4- هەستکردن بە هیلاکی و شەکەتی بەردەوام سەرەڕای خەو و ئیسراحەتێکی زۆر.
5- تێکچوونی ڕەنگی میز و پیسایی.
6- بەدهەرسییەک کە بە هیچ جۆرە دەرمانێک چاک نابێتەوە.
PM:04:11:14/08/2025
ئه‌م بابه‌ته 1056
جار خوێنراوه‌ته‌وه