سەرچاوە دەوڵەمەندەکانی ڤیتامین D کامانەن ؟
وێستگە ستایل-
وەک ئاشکرایە ڤیتامین D یەکێکە لە گرنگترین ڤیتامەکانی جەستەی مرۆڤ بۆ بنیاتنان و هێشتنەوەی تەندروستی ئێسکەکان بە باشترین شێوە لە ڕێگەی کاراکردنی هەڵمژینی کانزاکانی کالسیۆم و فۆسفۆر کە پارێزگاری لە ئێسک و ددانەکان دەکەن، جگە لەمانەش ئەو ڤیتامینە ڕۆڵێکی کاریگەری هەیە لە بەهێزکردنی بەرگری جەستە و ڕێگریکردن لە دووچاربوون بە نەخۆشییەکانی دڵ، شەکرە و شێرپەنجە.
- گرنگترین سەرچاوە دەوڵەمەندەکان بە ڤیتامین D بریتین لە :
1- مانەوە لە بەر تیشکی خۆردا بۆ ماوەی 5 بۆ 30 خولەک دوو جار لە هەفتەیەکدا وا دەکات بڕی پێویستی ڤیتامینەکە بەدەست بهێندرێت.
2- تەواوکەرە خۆراکییەکان کە ڤیتامین D لە پێکهاتەیاندایە پێویستە بەکاربهێندرێن لە کەسانی پێگەیشتوودا کە تەمەنیان سەرو 50 ساڵە، هەروەها گرنگە بۆ منداڵانی خوار تەمەن 1 ساڵ.
3- ماسی سەلەمۆن سەرچاوەیەکی بەنرخی ڤیتامینەکەیە.
4- ماسی ساردین جگە لە ڤیتامین D بڕێکی زۆر باش لە کالسیۆم و ڤیتامین B12 شی تێدایە.
5- ماسی دەریا دەتوانێت بڕی %100 ی پێویستی ڕۆژانەی ڤیتامین D بۆ جەستە پەیدابکات.
6- ماسی تونا بە هەمان شێوە دەوڵەمەندە بە ڤیتامین D.
7- ڕۆبیان پرۆتین، ڤیتامین D و ئۆمیگا 3 تێدایە.
PM:01:33:13/08/2025
ئه‌م بابه‌ته 1156
جار خوێنراوه‌ته‌وه