گۆڤاری"The Journal of the National Comprehensive Cancer Network" ڕایگەیاند ئەو توێژینەوەیەی کە لەسەر ئەم باسە ئەنجامدراوە بە بەشداریکردنی نزیکەی 62,839 کەس بووە و کۆکردنەوەی زانیارییەکان لە ساڵی 2000 بۆ 2020 بەردەوام بووە کە تێیدا کار لەسەر ئەو نەخۆشانە کراوە کە پێشبینی تەنها 4 ساڵ ژیانیان بۆ کراوە دوا بە دوای دەستنیشانکردنیان بە نەخۆشی شێرپەنجەی پرۆستات.

بەشداربووانی توێژینەوەکە دابەشکراون بۆ دوو گروپ لەسەر بنەمای مەترسییەکانیان بۆ بەرەوپێشچوونی نەخۆشییەکە و پەرەسەندنی، دەرەنجامی ئەم توێژینەوەیە سەرسوڕهێنەر بووە بە جۆرێک کە ئەو نەخۆشانەی مەترسییەکی کەم بۆ مامناوەندی پەرەسەندنی نەخۆشییەکەیان هەبووە 6 جار زیاتر مەترسی مردنیان هەبووە بەو هۆکارانەی کە پەیوەندی بە شێرپەنجەکەوە نەبووە، هەروەها ئەو نەخۆشانەی لە مەترسی گەورەی پەرەسەندندا بوون بە ڕێژەی 12 جار زیاتر ئەگەری مردنیان هەبووە بە هەمان ئەو هۆکارانە.

ئەو هۆکارانەش بریتیبوون لە نەخۆشییەکانی دڵ و پەککەوتنی دڵ، حاڵەتەکانی وەک هەوکردنی سییەکان و نەخۆشی COPD، هەروەها تووشبوون بە هەوکردنە بەکتریاییەکان.