خواربوونی کۆڵەکەی لووت چیە ؟
وێستگە ستایل-
خواربوونی کۆڵەکەی لووت حاڵەتێکی باوە لە نێو خەڵکدا، کاتێک ڕوودەدات کە پەردە تەنکەکەی نێوان دوو ڕێڕەوی لووت کە بە کۆڵەکەی لووت جیاکراونەتەوە دەچێت بە لایەکدا و بەو هۆیەوە کۆڵەکەی لووت لە ناوەڕاستدا نامێنێت، بەم جۆرەش لایەکی ڕێڕەوی لووت بچووکتر دەبێتەوە و هەوا پێدا ڕۆیشتن ئاستەنگی بۆ پەیدادەبێت، لەم باسەدا دکتۆرە ژینۆ عادل هەورامی پسپۆڕی نەخۆشییەکانی قورگ و لووت و گوێ مەترسییەکان و ڕێگا چارەسەرییەکانی ئەم حاڵەتە دەخاتەڕوو.
1- کاتێک کۆڵەکە یاخود ئەو دیوارە باریکەی کە لووت دەکات بە دوو بەشەوە بە هۆکاری زگماکی یاخود بەرکەوتنی زەبرێک لە ڕێڕەوی خۆی لادەدات کەسەکە توشی ئەم حاڵەتانە دەبێت :
- مەترسی لووتپژان زیادەکات.
- کەسەکە ناتوانێت بە باشی هەناسەبدات بەهۆی گیرانی لایەک یاخود هەردوولای لووت .
- دروستبوونی دەنگ لەکاتی خەوتندا.
- دروستبوونی ئازار لە دەمووچاودا.
- کەسەکە ناتوانێت بە باشی بخەوێت.
- وشکبوونەوەی دەم .
2- بۆ چارەسەری ئەم نیشانانە لە ڕێگای دەرمانی تایبەتەوە چارەسەر دەکرێت بەڵام خواری کۆڵەکەی لووت تەنها ڕێگای چارەسەر نەشتەرگەریە .
PM:01:16:12/08/2025
ئه‌م بابه‌ته 680
جار خوێنراوه‌ته‌وه