هۆکار و چارەسەرییەکانی کەڕووی کۆئەندامێ زاوزێی خانمان کامانەن ؟
وێستگە ستایل-
وەک ئاشکرایە جەستەی خانمان بەشێوازێکی ئاسایی کەڕوو و بەکتریایەکانی تێدایە بەڵام هەرکاتێک باڵانسی نێوان کەڕوو و بەکتریایەکان تێکچوو ئەوا ئەم کەڕووانە دەبێتە هۆی ئیلتیهاباتێکی زۆر و خانمەکە هەست بە خوران دەکات، ئەم خورانە بەهۆی ئیلتیهابی خانمان بە کەڕووەکانەوە دروست دەبێت و هەروەها هەست بە سووربوونەوە دەکات و دەردراوێکی سپی بۆ دروست دەبێت لە شێوەی پەنیر، دكتۆرە هدی محی الدین پسپۆڕی نەخۆشییەکانی ژنان و منداڵبوون لەم باسەدا هۆکار و ڕێگا چارەسەرییەکانی ئەم حاڵەتە باوەی خانمان دەخاتە ڕوو.
1- هۆکارەکان بریتین لە :
ـ بەکارهێنانی زۆری دژە بەکتریا.
ـ خواردنی شیرینی زۆر.
ـ نەخۆشی شەکرە.
ئەمانە وادەکات باڵانسی بەکتریا و کەڕووەکان تێکبچێت.
2- ڕێگا چارەسەرەکان بریتین لە :
ـ وشک کردنەوە و پاک ڕاگرتنی لەشی خانمەکە.
ـ بەکارنەهێانی بڕێکی زۆری دژە بەکتریایەکان بەبێ پێویستی.
ـ کەمکردنەوەی خواردنی شەکرەکان و ئەگەر خانمەکە شەکرەشی هەبوو کۆنتڕۆڵی بکات.
ـ وەرگرتنی دەرمانی دژە کەڕووەکان لای پزیشکی پسپۆڕ.
PM:01:01:12/08/2025
ئه‌م بابه‌ته 672
جار خوێنراوه‌ته‌وه