هۆکار و نیشانەکانی بەردی میزەڵدان کامانەن ؟
وێستگە ستایل-
بەردی میزەڵدان حاڵەتێکی باوی کۆئەندامی میز و میزەڕۆیە و سەرەنجامی کۆبوونەوە و نیشتنی ماددەکانی ناو میز پەیدادەبێت، کاتێک ئەم ماددانە دەنیشن ڕەق دەبن و بەرد دروستدەکەن، زۆربەی کات ئەم حاڵەتە دەبێتە هۆی ئازار و ناڕەحەتی لە میزکردندا لەو کەسانەی دووچاری دەبن، لەم باسەدا هۆکار و نیشانەکانی بەردی میزەڵدان ڕووندەکەینەوە.
1- هۆکارەکانی بەردی میزەڵدان بریتین لە :
- بەتاڵنەبوونەوەی میزەڵدان بە هۆی حاڵەتەکانی گەورەبوونی پڕۆستات، گیرفانی میزەڵدان، گیرانی میزەڵدان و کارنەکردنی میزەڵدان بە هۆی زیانگەیشتن بە دەمارەکانەوە.
- ووشکبوونەوەی جەستە دەبێتە هۆی چڕبوونەوەی میز و پەیدابوونی بەرد.
- هەبوونی بەردی گورچیلە کە دواتر بە ڕێڕەوەکەدا دێتە خوارەوە بۆ میزەڵدان.
- بەکارهێنانی بەردەوامی سۆندەی میز یەکێکە لە هۆکارەکان.
2- نیشانەکانی هەبوونی بەردی میزەڵدان بریتین لە :
- ئازاری بەشی خوارەوەی سك.
- ئازار لە كاتی میزكردن.
- ناڕەحەتی لە کاتی میزکردندا.
- زوو زوو میزكردن.
- هەبوونی خوێن لە میزدا.
- پچڕ پچڕ بوونی میز.
- هەوکردنی میزەڵدان.
- هەندێك جار هیچ نیشانەیەكی نیە و بە ڕێكەوت پێیدەزانرێت كە كەسەكە بەردی میزەڵدانی هەیە.
PM:02:08:11/08/2025
ئه‌م بابه‌ته 1228
جار خوێنراوه‌ته‌وه