ئه‌م توێژینه‌وه‌یه‌ كه‌ له‌لایه‌ن نۆرینگه‌كانی "كلیڤلاند" ئه‌نجامدراوه‌ تیایدا داتا له‌سه‌ر 8000 نه‌خۆشی ئه‌مه‌ریكی ئه‌نجامدراوه‌ كه‌ گرفتی قه‌ڵه‌وی و كێشی زیاددیان هه‌یه‌ و ده‌رمانه‌كانی"ئۆزه‌مبیك" و" یگۆفی" و" مۆنجارۆ" یان بۆ ماوه‌ی‌ یه‌ك ساڵ به‌كارهێناوه‌.

ده‌ركه‌وتوه‌ ئه‌و نه‌خۆشانه‌ی‌ ئه‌م ده‌رمانه‌یان به‌كارهێناوه‌ كه‌متر له‌ %50 ی كێشیان داگرتوه‌ به‌راورد به‌و ڕێژه‌یه‌ی‌ پێشتر توێژینه‌وه‌ی‌ كۆمپانیاكانی ده‌رمان پێشكه‌شیان كردوه‌ و به‌نزیكه‌ی‌ %40 ی ئه‌و نه‌خۆشانه‌ی‌ ئه‌م ده‌رمانه‌یان به‌كارهێناوه‌ وه‌ستاون له‌به‌كارهێنانی ده‌رمانه‌كه‌  به‌هۆی ده‌ركه‌وتنی كاریگه‌ری نه‌رێنی ده‌رمانه‌كه‌ له‌سه‌ر ته‌ندروستی و توشبوون به‌ گرفتی گه‌ده‌ و له‌هه‌ندێك حاڵه‌تی ده‌گمه‌ندا بینایی چاوه‌كانیان له‌ده‌ستداوه‌.

دكتۆر هامل گاسویان توێژه‌ری سه‌ره‌كی ئه‌م بابه‌ته‌یه‌ وتویه‌تی" ئه‌نجامه‌كان ئه‌وه‌یان سه‌لماندوه‌، به‌كارهێنانی ده‌رمانی دابه‌زاندنی كێش به‌هه‌ڕه‌مه‌كی و وه‌ستانی كتوپڕی به‌كارهێنانی ده‌رمانه‌كه‌ كاریگه‌ری نه‌رێنی له‌سه‌ر ئه‌نجامه‌كه‌ی‌ ده‌بێت، بۆ ده‌ستكه‌وتنی ئه‌نجامی گونجاو پێویسته‌ به‌ڕاوێژی پزیشك و به‌شێوه‌یه‌كی گونجاو ده‌رمانه‌كه‌ به‌كاربهێندرێت.