وڵاتێک بەکارهێنانی دەرزی بۆتۆکسی لە ڕووی ئاینییەوە قەدەغەکرد
وێستگە ستایل-
لە نوێترین بڵاوکراوەدا جێگری سەرۆکی ئەنجومەنی کاروباری ئاینی مسوڵمانەکانی ڕوسیا ڕوسلان ئەبیاسۆف ڕایگەیاند بەکارهێنانی دەرزی بۆتۆکس حەرامە بە هۆی هەبوونی چەند ماددەیەکی حەرامکراو تێیدا.
ئەبیاسۆف لە درێژەی وتەکانیدا سەبارەت بەو دەرزییە ئاماژەی بەوە دا کە ئێمە لە هەوڵداین لەگەڵ پزیشکان و سەنتەرە پزیشکییەکان بە مەبەستی دڵنیابوونەوە لە جۆری ئەو ماددانەی کە لە ناو دەرزی بۆتۆکسدا هەیە و لە ئێستادا بە مسوڵمانەکانی ڕادەگەیەنم کە خۆیان بەدووربگرن لە بەکارهێنانی ئەو دەرزییە، تەنها بۆ کاری زۆر پێویستی پزیشکی نەبێت بەکارینەهێنن.
ئەو بانگخوازە ڕایگەیاند لە پاش هەوڵەکانمان بۆمان دەرکەوت کە چەندین ماددە لە ناو دەرزی بۆتۆکسدا هەیە کە لە ئاینی ئیسلامدا قەدەغەکراوە و پێویستە تەنها بە ڕەچەتەی پزیشکی بەکاربێت.
پێشتریش ئەو ئەنجومەنە ڕایانگەیاندبوو پێویستە دەرزی بۆتۆکس ماددەی پڕۆتینی ئەلبۆمینی مرۆڤی تێدا نەبێت تاوەکو مسوڵمانەکان بتوانن بە ئاسودەی بەکاریبهێنن و ترسی حەرامکردنی ئەو دەرزییەیان نەبێت لە ڕووی ئاینی ئیسلامەوە.
PM:12:32:13/08/2025
ئه‌م بابه‌ته 1172
جار خوێنراوه‌ته‌وه