جۆرجینا ڕۆدریگێز و کریستیانۆ ڕۆناڵدۆ هاوسەرگیریان کرد
وێستگە ستایل-
پاش نیوەڕۆی دوێنێ دووشەممە جۆرجینا ڕۆدریگێز بە فەرمی هاوسەرگیریکردنی خۆی لەگەڵ ئەستێرەی پورتوگالی کریستیانۆ ڕۆناڵدۆ ڕاگەیاند لە پاش نزیکەی 10 ساڵ لە پەیوەندی خۆشەویستی نێوانیان.
ئەستێرە پورتوگالییەکە بە پێشکەشکردنی ئەڵقەیەکی ئەڵماسی بەنرخ داوای هاوسەرگیری لە جۆرجینا کرد، جۆرجیناش بە دانانی وێنەی ئەو ئەڵقەیە لە پەڕەی فەرمی خۆی لە تۆڕی کۆمەڵایەتی ئینستاگرام هەوادارەکانی سەرسامکرد، جۆرجینا لەسەر وێنەکە نووسیوێتی" وتم بەڵێ، من ڕازیم لەم ژیانە و لە هەموو ژیانەکانی ترم".
پێشتریش ئەو خانمە بە ئەڵقەی هاوسەرگیرییەوە دەردەکەوت بەڵام جێگەی ئاماژەیە ئەو دوو ئایکۆنە دیارە تاوەکو دوێنی بە فەرمی هاوسەرگیریان نەکردبوو، پێشتر ڕۆناڵدۆ لە میانەی چاوپێکەوتنێکیدا لە پێگەی Netflix لە پڕۆگرامی "I am Georgina"، ڕایگەیاندبوو ئەو چاوەڕێی کاتێکی گونجاو دەکات بۆ داواکردنی هاوسەرگیری لە جۆرجینا و وتبووی "دەکرێت لە ماوەی مانگێکدا یان ساڵێکدا ڕووبدات بەڵام لە سەدا هەزار دڵنیام کە ڕوودەدات".
لە ساڵی 2016 ەوە ڕۆناڵدۆ و جۆرجینا لە پەیوەندی خۆشەویستیدان و ئەوان خاوەنی 5 منداڵن کە تەنها 2 دانەیان منداڵی جۆرجینان و 3 منداڵەکانی دیکە دوو دایکی جیاوازیان هەیە، کریستیانۆ جونیەر، ئیڤا ماریا، ماتیۆ، ئالانا مارتینا و بێلا منداڵەکانی ئەستێرە پورتوگالییەکەن.
PM:12:48:12/08/2025
ئه‌م بابه‌ته 1368
جار خوێنراوه‌ته‌وه