دەگمەنترین دیاردەی گەردوونی بەڕێوەیە
وێستگە ستایل-
زانایەکی ڕوسی بواری فەلەکناسی، ڤلادمیر سوردین ئاشکرایدەکات بەم زووانە دەگمەنترین ڕووداوی گەردوونی ڕوودەدات کە ئەویش بینینی تروسکەی ڕوناکی ئەستێرەیەکە کە دەکرێت بە چاو ببینرێت بە بێ یارمەتی تەلیسکۆب.
بە گوێرەی وتەکانی ئەو زانا ڕوسییە لە ئێستادا گەردوونناسەکان سەرقاڵی ئامادەکاری خۆیانن بۆ ڕوودانی یەکێک لە دەگمەنترین و جوانترین ڕووداوە گەردوونییەکان لە میکانیکی ئاسماندا، دەرکەوتنی تروسکەی ڕوناکی ئەستێرە و بینینی بە چاو ڕووداوێکە کە دەکرێت تەنها 60 بۆ 65 ساڵ جارێک ڕووبدات، ئەوان پێشبینی دەکەن ئەم دیاردەیە لە کۆتاییەکانی ساڵی 2025 یاخود سەرەتای ساڵی داهاتوو ڕووبدات.
زاناکان دەڵێن دەرکەوتنی ئەو ئەستێرەیە لە دەرەنجامی لەدایکبوونی لە ئەستێرەیەکی دیکەوە نییە بەڵکو هۆکارەکەی تەقینەوەی ئەتۆمی گەرمی سەر ڕووی ئەستێرەیەکی دیکەیە .
دەرکەوتنی ئەم ئەستێرەیە بە جۆرێک ڕوناک دەبێت کە بتوانرێت لە هەموو شارێکدا بە چاو ببینرێت و لە هەمان کاتدا گەردوونناسەکان خۆیان ئامادەکردووە بۆ بینینی لە ڕێگەی چەندین پڕۆگرام و تەلیسکۆبی پێشکەوتووەوە تاوەکو هیچ چرکەیەکی ئەم دیاردە دەگمەنە لەدەستنەدەن.
PM:12:20:12/08/2025
ئه‌م بابه‌ته 1212
جار خوێنراوه‌ته‌وه