ئەزموونی 10 خولەک لە نێوان ژیان و مردندا
وێستگە ستایل-
ماثیو ئەلێک پیاوێکی بە ڕەگەز بەریتانی ئەزموونی 10 خولەک لە نێوان ژیان و مردندا دەگێڕێتەوە کە بەسەری هاتووە.
بە گوێرەی ڕۆژنامەی Mirror ی بەریتانی ئەم پیاوە کە باوکی دوو منداڵە و لە شارۆچکەی ڕۆمفۆرد ی سەر بە شاری لەندەن نیشتەجێیە، پاش ئەوەی لە میانەی ئەرکی شەوانەیدا دڵی لە لێدان دەوەستێت بە هۆی دووچاربوونی بە جەڵدەی سییەکان، هەر زوو لە ڕێگەی ئۆتۆمبێلی فریاکەوتنەوە دەبرێتە نەخۆشخانە.
ماثیو ئەزموونی مردن دەکات بۆ ماوەی 10 خولەک و پاش هەستانەوەی باس لەو هەستە دەکات کە هەیبووە لەو 10 خولەکەدا و بەم جۆرە باسی دەکات: "من هیچ جۆرە شتێکم بە بیر نایەتەوە لەو ماوەیەی کە مردبووم تێیدا، بەڵام کاتی بەخەبەرهاتنەوەم لە کۆما (بێهۆشی) بە بیردێتەوە، ئەوە وەک ئەوە وابوو لە خەوێکی قووڵ هەستم لەبەرئەوەی هەموو شتێک زۆر بێدەنگ بوو، من لە خەوێکی پڕ لە ئارامیدا بووم".
بە گوێرەی ڕاپۆرتی هەمان ڕۆژنامە، ئەلێک بۆ ماوەی 10 خولەک مردووە بەر لەوەی پزیشکان لە بەشی فریاکەوتن بوژانەوەی دڵی بۆ بکەن وئامێری شۆکی لێبدەن، پزیشکان خێزانەکەیان ئاگادارکردۆتەوە لە ئەگەری دووچاربوونی ئەلێک بە مردنی مێشک، کاتێک بە تەواویش هۆشی هاتۆتەوە یادگەی ئەلێک بە خراپترین شێوە زیانی بەرکەوتووە و پێویستی بە کاتێکی زۆر درێژ و چەندین ڕاهێنانە بۆ دووبارە باشترکردنەوەی یادگەی.
AM:11:59:12/08/2025
ئه‌م بابه‌ته 620
جار خوێنراوه‌ته‌وه