حه‌لبوسی و وه‌فدی پارتی په‌یامێك ئاراسته‌ی حكومه‌تی كازمی ده‌كه‌ن

‌دیداری حەلبوسی و وەفدی پارتی

وێستگه‌ نیوزـ

وه‌فدێكی پارتی دیموكراتی كوردستان سه‌ردانی سه‌رۆكی په‌رله‌مانی عیراق كرد و له‌ كۆبونه‌وه‌ی نێوانیاندا ئیدانه‌ی سوتاندنی باره‌گای پارتیان كرد كه‌ له‌ چه‌ند رۆژی رابردودا هێرشی كرایه‌سه‌ر.

وه‌فده‌كه‌ی پارتی دیموكراتی كوردستان به‌ سه‌رۆكایه‌تی جه‌عفه‌ر ئیمنیكی له‌گه‌ڵ محه‌مه‌د حه‌لبوسی، سه‌رۆكی په‌رله‌مانی عیراق كۆبونه‌وه‌ و دواتر له‌ به‌یاننامه‌یه‌كدا نوسینگه‌ی حه‌لبوسی رایگه‌یاندوه‌ كه‌ هه‌ردوولا داوایان له‌ حكومه‌تی به‌غدا كردوه‌ دامه‌زراوه‌كان بپارێزێت.

وه‌فدی پارتی و حه‌لبوسی به‌پێویستیان زانیووه‌ حكومه‌تی عیراق ئاسایش بسه‌پێنێ و رێگه‌نه‌دا دیارده‌ی توندوتیژی و سوتاندانی باره‌گای حزبی و موڵكی گشتی و تایبه‌ت، دووباره‌ ببێته‌وه‌.

بەرەبەیانی رۆژی 17ی تشرینی یەکەم بەشێک لە لایەنگرانی حەشدی شەعبی ھێرشیان کردە سەر بارەگای لقی 5ی پارتی دیموکراتی کوردستان لە بەغدا و جگە لە سوتانی بارەگاکە، ئاڵای کوردستانیش سوتێنرا، ئه‌وه‌ش نیگه‌رانییه‌كی به‌رپرسانی هه‌رێمی لێكه‌و‌ته‌وه‌ و نوێنه‌ران و باڵیۆزی وڵاتانیش دژی ئه‌و كاره‌ هه‌ڵوێستی خۆیان ده‌ربڕی‌.


PM:11:56:20/10/2020


ئه‌م بابه‌ته 1088 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت