وەزارەتی پەروەردەی‌ حكومه‌تی‌ هه‌رێم چه‌ند بڕیارێكی‌ نوێی‌ ده‌ركرد



وێستگه‌ نیوز-
وەزارەتی پەروەردەی حكومه‌تی‌ هەرێمی کوردستان رایده‌گه‌یه‌نێت، پێویستە سەرپەرشتیارانی پەروەردەیی کارگێڕی خوێندنگاکان ئاگادار بکەنەوە کە بۆ ئەمساڵی خوێندن مامۆستایان پابەندبن بە تەواوکردنی پڕۆگرامەکانی خوێندن و تاقیکردنەوەکانیش لە هەمان ئەو وادەیەدا بەڕێوەدەچن کە لەساڵنامەی خوێندندا ئاماژەی پێکراوە.

بەڕێوەبەرایەتی گشتی سەرپەرشتیکردنی پەروەردەیی لە وەزارەتی پەروەردەی هەرێمی کوردستان له‌ نوسراوێكدا چه‌ند بڕیارێكی‌ نوێی‌ بۆ خوێندنی‌ ئه‌مساڵ ده‌ركرد و تیایدا ئاڕاستەی پەروەردەی پارێزگاکانی کردووە و ئاماژه‌ به‌وه‌ده‌كات، پێویستە ئەمساڵ مامۆستایان پابەندبن بە تەواوکردنی پڕۆگرامەکانی خوێندن و پڕۆگرام کەمناکرێتەوە.

له‌ نوسراوه‌كه‌دا ئاشكراشیكردووه‌، خوێندنی پرۆگرامەکان بەگوێرەی ریزبەندی دەبێت و بەش و بەندەکان نابێت پاش و پێش-یان پێبکرێت، هەروەها تاقیکردنەوەکانی نیوەوەرز، مانگانە و تاقیکردنەوەی کۆتایی ساڵ  لە هەمان ئەو وادەیەدا بەڕێوەدەچن کە لەساڵنامەی خوێندندا ئاماژەی پێکراوە.


AM:09:47:19/10/2020




ئه‌م بابه‌ته 15584 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت