بهرپرسێكی عیراقی: له قورماخانهكانی بهغدا ژمارهیهك بیانی دهستگیركران
وێنەیەکی ئەرشیف
وێستگه نیوز ـ
بهرپرسێكی عیراقی رایگهیاند كه له قومارخانهكانی بهغدا ژمارهیهك بیانی و ئافرهتیان دهستگیركردووه.
ئهمڕۆ شهممه 24ی ئابی 2019 جهمال ئهسهدی پشكنهری گشتی له وهزارهتی ناوخۆی عیراق بۆ روسیا ئهلیهوم وتی: "لهلایهن دهسهڵاتدارانی عیراقهوه ژمارهیهك بیانی كه له قومارخانهكانی بهغدای پایتهخت كاریان دهكرد، دهستگیركران".
وتیشی: "له نێودهستگیركراوهكاندا 24 ئافرهت له رهگهزنامهی جیاواز ههیه سهرهڕای ژمارهیهك پیاوی بیانی".
ئاماژهشی بهوهدا كه ئهو كهسانه له قومارخانهكان كاریان دهكرد و هۆڵهكانی رۆڵێتیان بهڕێوهدهبرد و دوای لێكۆڵینهوه بهپێی یاسای عیراقی دادگایی دهكرێن.
پشكنهره گشتییهكهی وهزارهتی ناوخۆی عیراق راشیگهیاند كه "وهزارهت بهردهوام دهبێت له چاودێریكردنی ئهو دۆسیهیه و دهستگیركردنی بهرپرسانی".
پشكنهری گشتی وهزارهتی ناوخۆی عیراق بهردهوام ههڵمهتی بهرفراوان بۆ داخستنی هۆڵهكانی رۆلێت و قومارخانهكانی بهغدای پایتهخت ئهنجام دهدات ودهیان خاوهنی ئهو هۆڵانه و بازرگانانی ماده هۆشبهرهكان و ئافرهتی دهستگیركردووه.
PM:01:55:24/08/2019
ئهم بابهته 2884
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت