به‌شی كه‌شناسیی سه‌ربه وه‌زاره‌تی گواستنه‌وه‌و گه‌یاندنی حكومه‌تی هه‌رێمی كوردستان رایگه‌یاند كه ئه‌مشه‌و شه‌پۆلێكی به‌فربارین ناوچه شاخاوییه‌كانی هه‌رێم ده‌كرێته‌وه‌و پله‌كانی گه‌رما زیاتر نزم ده‌بنه‌وه.
كه‌شناسیی هه‌رێم ئه‌مشه‌و دووشه‌ممه رایگه‌یاند: پێشبینی دەکرێت ئەمشەو نمەباران بۆ بارانی مامناوەندی بچڕ بچڕ لە سەنتەری شارەکان بەردەوام بێت و لە ناوچە شاخاویەکانی باکورو باکوری ڕۆژهەڵاتیش بارانی مامناوەند ببارێت.
به‌پێی كه‌شناسیی هه‌رێم، شەپۆلێکی بەفریش ناوچەشاخاویەکان و هەندێک لە قەزاو ناحیە نزیکەکانی ئەو ناوچانە ده‌گرێته‌وه، وەک ( ئامێدی و کانی ماسی و چامانکێ و حاجی ئۆمەران و مەرزی کێلی)و ده‌شڵێت: پلەکانی گەرما زیاتر نزم دەبنەوە.
كه‌شناسیی هه‌رێم بڕی بارانبارینی 12 كاتژمێری رابردووشی بڵاوكردوه‌ته‌وه‌و رایگه‌یاندوه كه له ناوچه‌ی مێرگه‌سۆر زۆرترین باران باریوه كه بڕیه‌كه‌ی 53.6 ملم بووه و له‌ناوچه‌كانی دیكه‌ش به‌مجۆره بووه:
PM:09:41:20/11/2023