كه‌شناسیی هه‌رێم پێشبینییه‌كانی بۆ نزمترین پله‌كانی گه‌رما راگه‌یاند


وێستگه‌ نیوزـ

به‌ڕێوه‌به‌رایه‌تیی گشتیی كه‌شناسی و بومه‌رله‌رزه‌زانیی هه‌رێمی كوردستان له‌ پێشبینییه‌كانیدا بۆ كه‌شوهه‌وای سبه‌ینێ رایگه‌یاند كه‌ پله‌كانی گه‌رما نزم ده‌بنه‌وه‌.

"ئەمشەو ئاسمانی‌ ناوچەکانی‌ ڕاپەڕین و سلێمانی‌ و ناوچە شاخاویەکانی‌ و هەڵەبجە و ناوچە شاخاویەکانی‌ و گەرمیان  پێشبینی‌ دەکرێ ساماڵ بێت بۆیە سبەی‌ بەیانی‌ نزمترین پلەکانی‌ گەرمی‌ دادەبەزێت بە (2-4) پلەی‌ سیلیزی‌ بە بەراورد لە گەڵ نزمترین پلەکانی‌ گەرمی‌ ئەمڕۆدا"، كه‌شناسی وای پێشبینی كردوه‌.

 كه‌شناسیی هه‌رێم راشیگه‌یاندوه‌: ناوچە شاخاویکانی‌ هەولێر ساماڵ بۆ کەمێک پەڵەهەور دەبێت نزمترین پلەی‌ گەرمی‌ دادەبەزێت بە (1-4) پلە بە بەراورد لە گەڵ نزمترین پلەکانی‌ گەرمی‌ ئەمڕۆدا.

به‌گوێره‌ی پێشبینییه‌كان، شاری دهۆک و ناوچە شاخاویەکانی‌ نیمچە هەور دەبێت نزمترین پلەکانی‌ گەرمی‌ دادەبەزێت بە (1-2) پلەی‌ سەدی بە بەراورد لە گەڵ نزمترین پلەکانی‌ گەرمی‌ ئەمڕۆدا.


PM:10:37:18/01/2022


ئه‌م بابه‌ته 4692 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت