خاوەنی (شێرە سپی) هەولێر دەستگیرکرا


وێستگەنیوز-

دوای ئەوەی لەلافاوەکەی رۆژی پێنجشەممەی شاری هەولێر کەسێک بەناوی "سەڵاح مۆنیکا" بەئۆتۆمبێلەکەی دەرکەوت و بۆ دەرچون لەرێگایەک کە بەهۆی لافاو گیراوە هێمایەکی هاتوچۆ دەشکێنێت، پەیامنێری وێستگەنیوز لەهەولێر رایگەیاند، "خاوەنی ئەو ئۆتۆمبێلە دەستگیرکراوە".

پەیامنێری وێستگەنیوز لەهەولێر ئاماژەی بەوەشکرد، "دوێنێ کەسێک بەناوی سەڵاح مۆنیکا بەئۆمبێلەکەی کە بەشێرە سپییەکە ناسراوە لەکاتی پێچکردنەوە  بۆ دەرچون لەرێگایەک کە بەهۆی لافاو گیرابوو، هێمایەکی هاتوچۆی شکاند".

ئاماژەی بەوەشکرد، "بەهۆی ئەوەی لەلایەن هاتوچۆی هەولێرەوە سکاڵای لەسەر تۆمارکراوە، ئەمڕۆ هەینی خاوەنی ئەو ئۆتۆمبێلە دەستگیرکرا".

رۆژی پێنجشەممە بەهۆ دروستبونی لافاو لەژمارەیەک گەڕەکی هەولێر ئاستەنگی هاتوچۆ دروستبو، لەم ڤیدیۆیەدا دەردەکەوێت شۆفێرێک بۆ دەرچون هێمایەکی هاتوچۆ دەشکێنێت، فازڵ حاجی وتەبێژی هاتوچۆی هەولێریش بەو شۆفێرە دەڵێت، "بەم زوانە دەدرێیتە دادگا و ئۆتۆمبێلەکەش دەستی بەسەردا دەگیرێت".


PM:06:07:14/01/2022


ئه‌م بابه‌ته 20000 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت