عەلی باپیر: ئافرەتى به تەمەن جێی سەرنج نین بۆ پیاوان حیجابیان لەسەر واجب نییە
وێستگه نیوز-
سەرۆکی کۆمەڵی دادگەری رایده‌گه‌یه‌نێت کەسێک کە لەمانگی رەمەزاندا نوێژ و رۆژوو دەگرێت و مانگەکانی تر نایکات رۆژو و نوێژەکەی قبوڵە، ئاماژه به‌وه‌شده‌كات ماچ کردن و لەباوەش گرتنی ئافرەت و پیاو زینا نییە و قامچی لە ئەنجامدەرانی نادرێت بەڵکو سزادەدرێت لەلایەن خوای گەورەوە.
عەلی باپیر، سەرۆکی کۆمەڵی دادگەری له به‌رنامه‌یه‌كى ته‌له‌ڤزیۆنیدا رایگه‌یاند، "کەسێک کە لەمانگی رەمەزاندا نوێژ و رۆژوو دەگرێت و مانگەکانی تر نایکات رۆژو و نوێژەکەی قبوڵە."
ئەوەشی خستووەتەڕوو، "کوفر و شەریک پەیداکردن بۆ خوای گەورە لێ خۆشبونی نییە"، دەشڵێت، "هەر کەسێک بە ئەنقەست کەسێک بکوژێت لێخۆشبونی نییە لەلایەن خوا و گەورەترین سزا دەدرێت."
عەلی باپیر دەشڵێت، "هەندێک لە زانایان دەڵێن ئەوانەی کە نوێژ نەکەن لە بازنەی ئیسلام ناچنە دەرەوە"، وتووشیەتی، "ئەو ئافرەتانەی مێردەکانیان نوێژ ناکەن نابێت لێیان جیاببنەوە."
ئاماژەی بەوەشکردووە، "سزای زیناکردن لێدانی ۱۰۰ قامچییە نەک کوشتنی ئەوی پاش ئەوەی ٤ کەس شاهیدی بدەن کە زینای کردووە."
باسی لەوەشکردووە، "ماچ کردن و لەباوەش گرتنی ئافرەت و پیاو زینا نییە و قامچی لە ئەنجامدەرانی نادرێت بەڵکو سزادەدرێت لەلایەن خوای گەورەوە"، وتووشیەتی، "پۆشاکی شەرعی ئافرەت داپۆشینی سەرجەم جەستەی ئافرەتە جگە لە دەموچاو و دەستی."
عەلی باپیر ووتیشى، "پەچەکردن لە ئایینی ئیسلام نییە و کلتوری هەندێک وڵاتە، چونکە شەرع ئافرەتی پابەند نەکردووە بە پۆشینی پەچە و عەبا."
ئاماژه به‌وه‌شكراوه، "ئەو ئافرەتانەی کە دەچنە تەمەنەوە و جێی سەرنج نین بۆ پیاوان و توانای زەواجیان نییە حیجابیان لەسەر واجب نییە."
PM:12:00:04/05/2021
ئه‌م بابه‌ته 2088
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت